నయనతార అప్పట్లో ప్రభుదేవాతో పెళ్లి విషయంలో తొందరపడుతూ వచ్చింది. విఘ్నేష్ శివన్తో మ్యారేజ్ ను పోస్ట్ పోన్ చేసుకుంటూ వస్తోంది. విఘ్నేష్ తో ప్రేమలో ఉన్నానని చెప్పకపోయినా... ఆమె సోషల్ మీడియాలో ప్రియుడికి మాత్రమే ఓపెన్ అవుతుంది. పుట్టిన రోజు శుభాకాంక్షలు చెబుతుంది. ఇతర దేశాలకు వెళ్లినపుడు దిగిన ఫొటోలు షేర్ చేస్తుంది. కానీ విఘ్నేష్ ప్రేమలో ఉన్నాను.. పెళ్లి చేసుకుంటానని మాత్రం చెప్పదు. ఇలా ఐదేళ్లు గడిపేసిన నయన త్వరలో పెళ్లి పీటలు ఎక్కబోతోంది.
దక్షిణాదిన ఫేమస్ లవర్స్ ఎవరంటే ఠక్కున గుర్తొచ్చేది నయనతార, విఘ్నేష్. ఈ ఇద్దరికి నిశ్చితార్థం అయిపోయిందనీ.. పెళ్లి కూడా అయిపోయిందన్న వార్తలు చాలాసార్లు వచ్చాయి. అవన్నీ రూమర్సే. ఇటీవల విఘ్నేష్ శివన్ రీసెంట్గా ఇన్స్టాలో చిట్ చాట్లో పాల్గొన్నాడు. నయనతారను ఎందుకు పెళ్లి చేసుకోవడం లేదని ఓ నెటిజన్ సూటిగా అడిగేసరికి.. కరోనా తగ్గిన తర్వాత చేసుకుంటానన్న సమాధానం కూడా ట్రోల్ అయింది.
నయనతార, విఘ్నేష్ శివన్ పెళ్లి కోసం సినీలోకం వేచి చూస్తోంది. ముఖ్యమైన బంధువులను, స్నేహితులను ఫారిన్ తీసుకెళ్లడానికి ప్రస్తుతం అనుమతులు రావడం లేదు. పర్యాటకంపై ఆంక్షలు ఎత్తివేస్తే... మ్యారేజ్ చేసుకోవాలన్న ప్లాన్లో ఈ ప్రేమ జంట ఉందని తెలుస్తోంది. నయనతార ప్రస్తుతం రజనీకాంత్ 'అన్నాత్తే' మూవీతోపాటు.. విఘ్నేశ్ శివన్ దర్శకత్వంలో 'కాతు వాకుల రెండు కాదల్' మూవీలో విజయ్ సేతుపతితో నటిస్తోంది.