ఇక ఇదిలాఉంటే యూట్యూబ్ హీరో.. ఓ చిన్న సినిమా హీరోకి ఉన్న ఫాలోయింగ్ ఉన్న షణ్ముఖ్ జశ్వంత్ కూడా బిగ్ బాస్ సీజన్ 5 లో హౌజ్ మేట్ గా వెళ్తున్నాడని అంటున్నారు. అయితే తనకు ఉన్న క్రేజ్ దృష్ట్యా షణ్ముఖ్ భారీగా డిమాండ్ చేస్తున్నాడని టాక్. రోజుకి లక్ష దాకా ఇస్తేనే తాను బిగ్ బాస్ హౌజ్ కి వస్తానని అంటున్నాడట. యూట్యూబ్ వెబ్ సీరీస్ తో మంచి క్రేజ్ తెచ్చుకున్న షణ్ముఖ్ తాను ఏ వెబ్ సీరీస్ చేసినా సరే మిలియన్ వ్యూస్ రాబడుతున్నాడు. ఈ క్రేజ్ తోనే బిగ్ బాస్ 5 ఛాన్స్ కూడా అందుకున్నాడని తెలుస్తుంది.
అంతకుముందు తనకు ఆన్ స్క్రీన్ పెయిర్ గా నటించిన దీప్తి సునైనా కూడా బిగ్ బాస్ హౌజ్ లోకి వెళ్లింది. సీజన్ 2లో ఆమె సందడి చేసింది. ఇక ఇప్పుడు షణ్ముఖ్ కూడా బిగ్ బాస్ ఛాన్స్ కొట్టేశాడని అంటున్నారు. మరి షణ్ముఖ్ అడిగినంత ఇస్తున్నారా లేక బేరసారాలు జరిగాయా అన్నది తెలియదు కాని బిగ్ బాస్ వల్ల షణ్ముఖ్ కు.. అతని వల్ల బిగ్ బాస్ కు క్రేజ్ రావాలని చూస్తున్నారు. ఈ సీజన్ లో టిక్ టాక్ దుర్గారావు కూడా బిగ్ బాస్ తెలుగు సీజన్ 5లో పార్టిస్పేట్ చేస్తారని అంటున్నారు.
