వెంకీ కుడుముల రెండు సినిమాలు చేస్తే, రెండిటికి సక్సెస్ టాక్ వచ్చింది. 'ఛలో, భీష్మ' సినిమాలతో యూత్, ఫ్యామిలీస్ ఇద్దరినీ కవర్ చేశాడు. అయితే సక్సెస్ రేట్లో ముందున్నా ఈ డైరెక్టర్ ఇంకా నెక్ట్స్ సినిమా మాత్రం కన్ఫర్మ్ చెయ్యలేదు. రామ్ చరణ్తో సినిమా అని కొన్నాళ్లు, రామ్తో ఉంటుందని మరికొన్నాళ్లు ప్రచారం జరిగినా ప్రాజెక్ట్ మాత్రం ఫిక్స్ కాలేదు.
అల్లరి నరేశ్ని చాలా రోజుల తర్వాత సక్సెస్ ట్రాక్ ఎక్కిచ్చిన సినిమా 'నాంది'. సెక్షన్ 211 నేపథ్యంలో విజయ్ కనకమేడల రూపొందించిన ఈ సినిమాకి విమర్శకుల నుంచి ప్రశంసలు దక్కాయి. అయితే ఈ సూపర్ హిట్ తర్వాత విజయ్ మరో మూవీ స్టార్ట్ చెయ్యలేదు. అల్లరి నరేశ్తోనే మళ్లీ సినిమా చేస్తాడని, హిందీలో 'నాంది' రీమేక్ చేస్తాడనే మాటలు వినిపిస్తున్నా, ఏ సినిమా ఫస్ట్ వస్తుందనే క్లారిటీ మాత్రం ఇవ్వడం లేదు. 'పెళ్లిచూపులు, ఈ నగరానికి ఏమైంది' సినిమాలతో యూత్ఫుల్ హిట్స్ కొట్టిన దర్శకుడు తరుణ్ భాస్కర్. యాక్టర్ కమ్ డైరెక్టర్గా రెండు పడవల ప్రయాణం చేస్తోన్న తరుణ్ భాస్కర్ మళ్లీ ఎప్పుడు మెగాఫోన్ పడతాడన్నది తెలియట్లేదు. వెంకటేశ్తో హార్స్ రేసింగ్ సినిమా తీస్తాడనే ప్రచారం జరుగుతున్నా లాంచింగ్ డేట్ ఫిక్స్ కాలేదు.