అయితే ఈ మూవీ తరువాత త్వరలో గాడ్ ఫాదర్ మూవీ చేయనున్నారు మెగాస్టార్. మలయాళ సూపర్ హిట్ మూవీ లూసిఫర్ కి తెలుగు రిమేక్ గా తెరకెక్కుతున్న ఈ సినిమాకి మోహన్ రాజా దర్శకత్వం వహిస్తుండగా థమన్ సంగీతం అందిస్తున్నారు. ఇక ఈ మూవీ తరువాత మెహర్ రమేష్ తో భోళా శంకర్ సినిమా తో పాటు బాబీ దర్శకత్వంలో కూడా మరొక సినిమా చేయనున్నారు మెగాస్టార్. ఇటీవల చిరంజీవి బర్త్ డే రోజున ఈ సినిమాల అధికారిక ప్రకటన రావడం జరిగింది. మ్యాటర్ లోకి వెళితే, బాబీ దర్శకత్వంలో తెరకెక్కనున్న సినిమాని ఏకే ఎంటర్టైన్మెంట్స్, క్రియేటివ్ కమర్షియల్ సంస్థలు నిర్మించనుండగా రాక్ స్టార్ దేవిశ్రీప్రసాద్ సంగీతం అందించనున్నారు.
ఈ సినిమాలో మెగాస్టార్ వాల్తేరు వీరయ్యగా పక్కాగా మాస్ రోల్ లో కనిపించనున్నారని, మంచి కమర్షియల్ అంశాలతో దర్శకుడు బాబీ దీనిని అన్ని వర్గాల ఆడియన్స్ ని అలరించేలా తీయనున్నారని టాక్. కాగా ఈ సినిమాలో వీరయ్య తో తలపడే ఆయన బావ పాత్రలో తమిళ నటుడు విజయ్ సేతుపతి నటించనున్నారని ఫిలిం నగర్ వర్గాల సమాచారం. గతంలో మెగాస్టార్ తో సైరా నరసింహారెడ్డిలో నటించిన విజయ్ సేతుపతికి ఈ మూవీ స్టోరీ ఎంతో నచ్చడంతో వెంటనే నటించడానికి ఒప్పుకున్నరని సమాచారం. మరి ఈ వార్త కనక నిజం అయితే మరొక్కసారి తెరపై మెగాస్టార్, మక్కల్ సెల్వన్ కాంబినేషన్ చూడవచ్చని అంటున్నాయి సినిమా వర్గాలు .....!!