"సలార్" కొత్త షెడ్యూల్ నిన్న హైదరాబాద్లో ప్రారంభమైంది. ఇందులో భారీ యాక్షన్ ప్యాక్డ్ షెడ్యూల్ ను ప్లాన్ చేశారట. ఈ షెడ్యూల్ లో సినిమాలోని ముఖ్యమైన ఫైటింగ్ సీన్స్ చిత్రీకరించనున్నారట మేకర్స్. కీలకమైన ఇంటర్వెల్ సీన్స్ ను కూడా ఈ షెడ్యూల్లోనే తెరకెక్కించనున్నట్టు తెలుస్తోంది. ఈ షెడ్యూల్ 5 నుంచి 7 రోజుల పాటు ఉంటుంది. గత షెడ్యూల్ తెలంగాణలోని గోదావరి ఖని ప్రాంతంలో జరిగింది.
ప్రశాంత్ నీల్ దర్శకత్వం వహించిన "సలార్" లో శృతి హాసన్ హీరోయిన్ గా నటిస్తోంది. కన్నడ, తెలుగు భాషల్లో ఒకేసారి సినిమాను చిత్రీకరిస్తున్నారు మేకర్స్. తరువాత హిందీ, తమిళం, మలయాళం వంటి ఇతర భాషలలోకి డబ్ చేస్తారు. మేకర్స్ 2022 ద్వితీయార్ధంలో "సలార్" ని విడుదల చేయడానికి ప్లాన్ చేస్తున్నారు. ఈ ప్రాజెక్ట్ను హోంబలే ఫిల్మ్స్ బ్యాంక్రోలింగ్ చేస్తోంది. ఇక ప్రభాస్ తో పాటు "ఆదిపురుష్", "ప్రాజెక్ట్ కే "లో కూడా నటిస్తున్నారు. మరో చిత్రం "రాధే శ్యామ్" ప్రస్తుతం పోస్ట్ ప్రొడక్షన్ దశలో ఉంది.