ఇటీవల చరణ్ ఈ సినిమాలో పాత్ర షూటింగ్ మొత్తం పూర్తి చేసుకుని బయటకు వచ్చారు. ఇందులో చిరంజీవి, చరణ్ మధ్య వచ్చే సీన్స్ ఆడియన్స్ ని ఆకట్టుకుంటాయట. ఈ మూవీని త్వరలో ప్రేక్షకుల ముందుకు తీసుకురానున్నారు. అయితే విషయం ఏమిటంటే ప్రస్తుతం ఆచార్య తో పాటు మరోవైపు ఆర్ఆర్ఆర్ మూవీ కూడా చేస్తున్నారు చరణ్. ఇక త్వరలో ప్రముఖ కోలీవుడ్ దర్శకడు శంకర్ తో భారీ పాన్ ఇండియా మూవీలో రామ్ చరణ్ యాక్ట్ చేయనున్న విషయం తెలిసిందే. దిల్ రాజు నిర్మించనున్న ఈ సినిమా ఇటీవల లాంచ్ కాగా దీని అఫీషియల్ షూటింగ్ త్వరలో ప్రారంభం కానున్నట్లు తెలుస్తోంది.
అయితే లేటెస్ట్ ఫిలిం నగర్ వర్గాల సమాచారం ప్రకారం ఈ సినిమాలో మెగాస్టార్ చిరంజీవి ఒక చిన్న పాత్ర లో తళుక్కున మెరవనున్నట్లు టాక్. గతంలో శంకర్ తో మెగాస్టార్ ఒక సినిమా చేయాలని భావించారు అయితే అది ఇప్పటివరకు కుదరలేదు. కాగా ఈ సినిమాలోని ఆ స్పెషల్ రోల్ మీరు చేస్తే బాగుంటుందని శంకర్ చెప్పడంతో మెగాస్టార్ కూడా ఓకె అనేసారట. కియారా అద్వానీ హీరోయిన్ గా నటిస్తున్న ఈ సినిమాకి థమన్ సంగీతం అందించనున్నారు. కాగా ఈ సినిమాని వీలైనంత వేగంగా పూర్తి చేసి వచ్చే ఏడాది రిలీజ్ చేయనున్నారు.