ఇలా సినిమా కు హైప్ తీసుకొచ్చి కావల్సినంత ప్రచారాన్ని పెంచుతున్నాయి డైలాగులు. ఈ డైలాగ్ వచ్చినప్పటి నుంచి సందర్భానికి తగ్గట్టుగా 'తగ్గేదే లే' అనే డైలాగ్ ఉపయోగిస్తున్నారు యూత్. ఇలా సినిమాతో పాటు, ప్రచార కార్యక్రమాల్లో తమ వంతు పాత్ర పోషిస్తున్నాయి డైలాగులు. అందుకే ఈ తరం దర్శకనిర్మాతలు అంతా డైలాగులపై ఎక్కువ ఫోకస్ పెడుతున్నారు. ఇక 'పుష్ప' విషయానికి వస్తే ఫారెస్ట్ బ్యాక్ డ్రాప్ లో ఎర్రచందనం స్మగ్లింగ్ నేపథ్యంలో రూపొందుతున్న ఈ సినిమాలో శ్రీవల్లి గా కనిపించబోతోంది రష్మిక మందన. క్రిస్మస్ కానుకగా ప్రేక్షకుల ముందుకు రానున్న ఈ మూవీలో అల్లు అర్జున్ పుష్ప రాజ్ అనే పాత్రలో నటిస్తున్నాడు. ఈ సినిమా విడుదల గురించి ప్రేక్షకులు ఎంతో ఆతృతగా ఎదురు చూస్తున్నారు. త్వరలోనే 'పుష్ప' నుంచి రెండో పాట విడుదల కానుంది.
