ఇక భాస్కర్ ను ప్రేక్షకులు ఎప్పుడో మర్చిపోయారు. అయితే ఎలాగోలా గీతా కాంపౌండ్ లో చేరాడు. వాళ్లను ఈ కథ చెప్పి ఎలా పడేశాడో కాని.. మొత్తానికి అఖిల్ తో ఓ ఛాన్స్ పట్టేశాడు. ఇప్పటికే అఖిల్ కు మూడు వరుస ప్లాపులు వచ్చాయి. ఇక ఈ సినిమాతో అయినా మనోడు హిట్ కొడతాడని నాగార్జున ఎన్నో ఆశలు పెట్టుకున్నాడు. అయితే ఈ సినిమా చూసిన వారు అఖిల్ ఆశలు ఈ సినిమాతో కూడా నెరవేరేలా లేవని డిసైడ్ అయిపోయారు.
విచిత్రం ఏంటంటే అఖిల్ ఇంట్రడక్షన్ సీన్ గొర్రెల మందల మధ్య లో నుంచి రివీల్ చేశారు. అయితే కాసేపటకి ప్రేక్షకుడి కి కాస్త తెలివి వస్తుంది. ఎందుకంటే ప్రేక్షకులను గొర్రెలను చేసేందుకే ఈ షాట్ ను సింబాలిక్ గా వాడారని అర్థమవుతుంది. ఇక ఇప్పటికే పూజా హెగ్డే కేవలం తొడల అందాలు చూపిస్తూ కుర్ర కారు ను పడేస్తుందే తప్పా ఆమెకు నటన రాదన్న విమర్శలు ఉన్నాయి. ఈ సినిమాతో కూడా ఆమె మరోసారి అదే ఫ్రూవ్ చేసుకుంది.