ఇదిలా ఉంటే అప్పట్లో 'పెళ్లి సందడి"తో శ్రీకాంత్ హీరో గా నిలదొక్కుకున్నాడు. ఆ సినిమా శ్రీకాంత్ కు స్టార్ స్టేటస్ ను ఇచ్చి ఆయన కెరీర్ ను మలుపు తిప్పింది. ఆ తరువాత శ్రీకాంత్ వెనక్కి తిరిగి చూసుకోలేదు. మరిప్పుడు అదే టైటిల్ తో వస్తున్న ఆయన కొడుకు రోషన్ ను కూడా శ్రీకాంత్ లాగే ఇండస్ట్రీలో హీరో గా ''పెళ్లి సందD' నిలబెడుతుందా ? అంటే... రాఘవేంద్ర రావు సినిమా ఇండస్ట్రీ కి ఎంతోమంది హీరో హీరోయిన్ల ను పరిచయం చేశారు. దాదాపుగా వారంతా ఇండస్ట్రీలో స్టార్లు గానే కొనసాగారు. పైగా ఈ సినిమా తో రోషన్ ను హీరో గా నిలబెడతానని రాఘవేంద్ర రావు శపథం చేశారు.
ఆయన అన్నట్టుగానే కొత్తవారైనప్పటికీ హీరోహీరోయిన్ల దగ్గర నుంచి మంచి నటనను రాబట్టుకోగలిగారు. రోషన్ డ్యాన్స్, నటన ఆకట్టుకున్నాయి. ఇక శ్రీలీల సైతం తన అభినయం, అందంతో కళ్ళు తిప్పుకోనివ్వలేదు. డ్యాన్స్ లోనూ ఏమాత్రం తీసిపోలేదు. కాబట్టి ఆమె కూడా ఫ్యూచర్ స్టార్ అనడంలో ఎలాంటి సందేహం లేదు. మరి నెక్స్ట్ వీరికి టాలీవుడ్ లో అవకాశాలు ఎలా ఉంటాయన్నదే ప్రశ్న.