చాలా రోజులకు అఖిల్ కు మంచి సినిమానే పడింది. అలా అని ఇది ఆన్ స్క్రీన్ వండర్ అయితే కాదు. రొటీన్ యాక్టింగ్ తో మురళీ శర్మ, శ్రీకాంత్ అయ్యంగర్ లు విసిగిస్తారు కూడా! సుడిగాలి సుధీర్ నవ్వించాడు. గెటప్ శ్రీను పాత్ర వరకూ ఓకే.. పూజా బేబీ కొన్ని సందర్భాల్లో కనిపించిన తీరు కూడా బాగుంది. ఇంకా ఆమె కూడా ఇంప్రూవ్ కావాలి. బరువైన పాత్రలకు ఆమె నప్పుతుందా లేదా అన్నది తరువాత ఒకవేళ ఎంచుకుంటే ఇంకొన్ని జాగ్రత్తలు తీసుకోక తప్పదు.
బొమ్మరిల్లు సినిమా భాస్కర్ స్థాయిని పెంచింది. డైరెక్టర్ భాస్కర్ ను ఓ రేంజ్ లో ఉంచింది. పరుగు కూడా అంతే పేరు తెచ్చింది. ఆరెంజ్ సినిమా బాగున్నా పరువు తీసింది. అలాంటి కన్ ఫ్యూజన్ స్టోరీనే అయినా కూడా బాగుంది మోస్ట్ ఎలిజిబుల్ బ్యాచిలర్ మూవీ. సినిమాకు సంబంధించి ప్రమోషన్ వర్క్ బాగానే వర్కౌట్ అయింది. బన్నీ వాసు అండ్ కో ఆ విషయమై చాలానే శ్రద్ధ తీసుకున్నారు. ట్రైలర్ ను చెప్పించిన మాటలు అన్నీ బాగున్నాయి. అవే సినిమాలోనూ ఆకర్షణీయంగా వినపడ్డాయి. ఒక అమ్మాయి చుట్టూ నడిచే కథే అయినా నడిపిన విధానం బాగుంది. విసుగు లేదు. అలా అని మరీ అంత ఎంటర్ టైనర్ అయితే కాదు.