ఇక ఇప్పుడు తెలంగాణా లో నిర్మించిన యాదాద్రి పైనా ఓ సినిమా చేస్తానని రాఘవేంద్రరావు ప్రకటించారు. మరోవైపు రీసెంట్ గా రాఘవేంద్రరావు దర్శకత్వ పర్యవేక్షణ వహించిన పెళ్లిసందడి సినిమా విడుదలయ్యింది. టాలీవుడ్ హీరో శ్రీకాంత్ తనయుడు రోషన్ ఈ సినిమాలో హీరోగా నటించి ఆకట్టుకోగా రాఘవేంద్రరావు సైతం ఈ సినిమాలో ఓ ప్రత్యేక పాత్రలో నటించారు. అంతేకాకుండా ఈ సినిమాతోనే మొదటిసారిగా రాఘవేంద్రరావు నటుడిగా పరిచయం అవ్వడం విశేషం. ఇక ఈ సినిమాకు పాజిటివ్ తో పాటు నెగిటివ్ రెస్పాన్స్ కూడా వస్తోంది.
కొంతమంది ఈ సినిమా బాగుందని అంటుండగా మరికొందరు మాత్రం రొటీన్ కథ అంటూ చెబుతున్నారు. ఇక ప్రస్తుతం ఓటీటీ జోరు కనిపిస్తున్న సంగతి తెలిసిందే..ఇక రాఘవేంద్ర రావు భక్తి రస చిత్రాలు తెరకెక్కించినప్పటికీ రొమాంటిక్ సినిమాలు తీయడం లోనూ ఎక్కడా కాంప్రమైజ్ కాలేదనే చెప్పాలి. అంతేకాకుండా వయసు ఎక్కువ ఉన్నా యువతరానికి తగ్గట్టుగానే రాఘవేంద్రరావు సినిమాలు తీసుకోవడం విశేషం. మరి ఓటీటీ అంటే ఎక్కువగా రొమాంటిక్ చిత్రమే దర్శనం ఇస్తుంటాయి. మరి దర్శకేంద్రుడు రాఘవేంద్రరావు ఓటీటీ లో రొమాంటిక్ చిత్రాన్ని తెరకెక్కిస్తారా....లేదంటే భక్తిరస చిత్రంతో ప్రేక్షకుల ముందుకు వస్తారా అన్నది చూడాలి.
