లెజెండరీ యాక్టర్ అంటూ కోటను గౌరవపూర్వకంగా సంబోధించిన జాఫర్ ను లెజెండరీ అంటే ఏమిటి నాకు నిజంగా తెలియదు చెప్పండి అంటూ ప్రశ్నించారు కోట. అవాక్ అయిన జాఫర్ లెజెండరీ అంటే ఒక చరిత్ర ను క్రియేట్ చేసిన నటుడు అంటూ సమాధానం ఇచ్చాడు. వందల కొద్దీ సినిమాలలో నటించి కీర్తి ప్రతిష్టలు పొందిన కోట అస్సలు ఎప్పుడూ సినిమాల్లోకి రావాలని అస్సలు అనుకోలేదట, ఆయనకు చిన్నప్పటి నుండే నాటకాలు అంటే చాలా ఇష్టం. అలా సినిమాల్లోకి రాకముందే ఎన్నో ఏళ్ళు పాటు పలు నాటకాలలో నటించేవారు, ఈయన స్టేట్ బ్యాంక్ లో ఉద్యోగి. అటు మంచి వృత్తి మరో వైపు తనకు నచ్చిన నాటకరంగంలో కొనసాగుతూ ఆనందంగా గడుస్తోంది. అస్సలు ఏనాడూ సినీ రంగంలోకి అడుగుపెట్టాలని కనీసం అస్సలు ఆలోచన కూడా రాలేదట.
