ఈ సినిమాకు మెహెర్ రమేష్ దర్శకత్వ బాధ్యతలను తీసుకున్నారు. ఇందులో ఎన్టీఆర్ సరసన అప్పట్లో ఫుల్ ఫామ్ లో ఉన్న గోవా సుందరి ఇలియానా నటించింది. ఇందులో ఇలియానా నటనకు అంత స్కోప్ లేకపోయినా పరవాలేదనిపించింది. ఇక మిగిలిన పాత్రలలో నటించిన వారు పరిధిమేరకు నటించి మెప్పించారు. అసలు ఈ కథ ప్రేక్షకులకు అర్ధం కావడానికే చాలా రోజులు పట్టింది. అప్పటికే జరగాల్సిన నష్టం జరిగిపోయింది. ఈ సినిమాకు కథను అందించిన జె కె భారవి మరియు యండమూరి వీరేంద్రనాధ్ చాలా నిరాశ చెందారు.
ఈ సినిమాకు మణిశర్మ సంగీతాన్ని అందించారు. పాటలు వినసొంపుగానే ఉన్నాయి. ఎన్టీఆర్ డాన్స్ లతో అదరగొట్టాడు. ఎన్టీఆర్ అప్పటికే అదుర్స్ మరియు బృందావనం సినిమాలతో సక్సెస్ ట్రాక్ లో ఉన్నారు. ఈ సినిమా ఇచ్చిన షాక్ తో మళ్ళీ ఎన్టీఆర్ విజయం కోసం మూడు సినిమాల వరకు ఆగాల్సి వచ్చింది. అలా జూనియర్ ఎన్టీఆర్ కెరీర్ లో ఈ సినిమా ఒక మచ్చలా ఉండిపోయింది. ఆ విధంగా జూనియర్ ఎన్టీఆర్ కెరీర్ లో పోలీస్ గా నటించిన మొదటి సినిమా పరాజయంగా మిగిలింది.
