ఈవెంట్ కి యంగ్ హీరో సందీప్ కిషన్ , ప్రముఖ యువ దర్శకులు కిషోర్, బుచ్చిబాబు సానా.. నిర్మాత వివేక్ కూచిభొట్ల ముఖ్య అతిథులుగా హాజరు కావడం గమనార్హం.. వీరంతా ఈ సినిమా మంచి విజయాన్ని సాధించాలని చిత్ర యూనిట్ కు కూడా బెస్ట్ విషెస్ తెలియజేశారు.. ఇక ఈ సందర్భంగా మధుర వైన్స్ దర్శకుడు జయ కిషోర్ బండి మాట్లాడుతూ.. నా సినిమా కరోనా కారణంగా ఆలస్యం కాలేదు.. కేవలం ఒక సాంకేతిక నిపుణుడి కారణంగా 8 నెలలు ఆగిపోవాల్సి వచ్చింది..ప్రస్తుతం అన్ని అడ్డంకులను కూడా దాటుకొని ఈనెల అనగా అక్టోబర్ 22వ తేదీన ప్రేక్షకుల ముందుకు తీసుకొస్తున్నాం.. మధురానుభూతుల్ని పంచుతూ అందరిని చాలా చక్కగా మెప్పిస్తుంది అని తెలిపాడు.
ఇదే నేపథ్యంలోనే సందీప్ కిషన్ కూడా మాట్లాడుతూ.. సినిమాలో నటించిన నటీనటులంతా షార్ట్ ఫిలిమ్స్ లో నుంచి వచ్చినప్పటికీ, ఈ చిత్రాన్ని చాలా అద్భుతంగా తెరకెక్కించారు.. ఈ సినిమా ఒక గొప్ప విజయాన్ని సాధించాలని మనస్ఫూర్తిగా కోరుకుంటున్నాను అంటూ తెలిపాడు.. ముఖ్యంగా నాకు కూడా హీరోగా అవకాశం ఇచ్చింది ..ఒక కెరియర్ను ఏర్పాటు చేసింది ఈ షార్ట్ ఫిలిమ్స్ దర్శకులే.. ఈ సినిమా కూడా మంచి విజయాన్ని అందుకుంటుందనే నమ్మకం నాకుంది అంటూ తెలిపాడు..ఇక కథానాయకుడిగా మధుర వైన్స్ సినిమాలో నటిస్తున్న సన్నీ కూడా మొదటి సినిమా తో హీరోగా పరిచయం అవుతున్నాను.. ఈ సినిమా నన్ను హీరోగా నిలబెడుతుంది అంటూ హర్షం వ్యక్తం చేశాడు.
