ప్రభాస్ లుక్ గురించి సోషల్ మీడియాలో విపరీతంగా చర్చలు జరుగుతున్నాయి. నిన్నటి వరకు ప్రభాస్ 'ఆదిపురుష్'కి రాంగ్ ఛాయిస్ అని ట్రోల్ చేసిన జనాలు ఇప్పుడు లవ్స్టోరీస్కి అస్సలు సెట్ కాడని కామెంట్ చేస్తున్నారు. 'రొమాంటిక్' సినిమా ట్రైలర్ లాంచ్ ఫోటోస్లో ప్రభాస్ అంకుల్లా కనిపిస్తున్నాడని ట్రోల్ చేస్తున్నారు నెటిజన్ లు.
కొన్నాళ్ల క్రితం ప్రభాస్ 'ఆదిపురుష్' సెట్స్కి వెళ్తుండగా కొన్ని ఫోటోలు బయటకు వచ్చాయి. ఈ ఫోటోల్లో ప్రభాస్ కొంచెం ఆడ్గా కనిపించాడు. పెద్ద పెద్ద మీసాలతో కొంచెం బొద్దుగా కనిపించాడు. దీంతో రాముడి పాత్రకి ప్రభాస్ అస్సలు సెట్ కాలేదని, అంకుల్ వస్తున్నాడు తప్పుకోండని, వయసుకు తగ్గ పాత్రలు చేసుకోవాలని కామెంట్లు పెట్టారు.
బాలీవుడ్ హీరోలు మేకోవర్కి చాలా ఇంపార్టెన్స్ ఇస్తారు. యంగ్లుక్లో కనిపించాలని స్ట్రిక్ట్ డైట్లు, వర్కవుట్స్తో గ్లామర్ మెయింటైన్ చేస్తుంటారు. సిక్స్టీకి దగ్గరల్లో ఉన్న ఆమిర్ ఖాన్, షారుఖ్ ఖాన్ ఇప్పటికీ థర్టీస్లా కనిపించాలని ప్రయత్నిస్తుంటారు. మన దగ్గర మహేశ్ బాబు 46 ఏళ్ల వయసులోనూ యంగ్గానే కనిపిస్తున్నాడు. కానీ ప్రభాస్ లుక్పై కాన్సన్ట్రేట్ చేయడం లేదనే కామెంట్స్ వస్తున్నాయి. మరి ఈ విమర్శలకు డార్లింగ్ ఎలాంటి సమాధానం చెబుతాడో చూడాలి.