కొరియోగ్రాఫర్‌గా వినోద్ మంచి పేరును సంపాదించుకున్నారు. తాజాగా ఒక యూట్యూబ్ ఛానల్‌లో వినోద్ ఇంటర్వ్యూలో పాల్గొన్నారు. అయితే ఆ ఇంటర్వ్యూలో వినోద్.. ఓంకార్‌పై షాకింగ్ కామెంట్స్ చేశారు. ఈ సందర్భంగా వినోద్ మాట్లాడుతూ.. ఒకప్పుడు ఓంకార్‌తో తనకు మంచి అనుబంధం ఉండేదన్నారు. రానురాను తనకు అవకాశాలు ఇవ్వకపోవడంపై కారణాన్ని తెలిపారు. ఓంకార్ వ్యక్తిత్వం చాలా డిఫరెంట్‌గా ఉంటుందని పేర్కొన్నారు. కేవలం తన స్వార్థం కోసమే బంధాలను కొనసాగిస్తాడని పేర్కొన్నారు. అవసరం ఉన్నంతవరకే అనుబంధాలను కలిసి ఉంటాడని.. అవసరం లేనప్పుడు పట్టించుకోడన్నారు. ఇలా తనకు అవకాశాలు ఇవ్వకపోవడంతో అప్పటి నుంచి మా ఇద్దరి మధ్య మాటలు తగ్గాయని ఆయన పేర్కొన్నారు.
ఓంకార్ తన అవసరాల కోసం ఇతరులను వాడుకుంటాడని వినోద్ తెలిపారు. అలాంటి వారిలో తాను ఒక్కడినని ఆయన పేర్కొన్నారు. అందుకే ఇద్దరి మధ్య మాటలు లేవన్నారు. కాగా.. ఓంకార్‌పై వినోద్ చేసిన కామెంట్స్ ప్రస్తుతం వైరల్ అవుతున్నాయి. ఈ కామెంట్స్ విన్న వాళ్లు ఓంకార్ నిజంగా ఇలాంటి వారా అని ఆశ్చర్యపోతున్నారు. ఇలాంటి కామెంట్‌పై ఓంకార్ ఎలా స్పందిస్తాడో వేచి చూడాలని నెటిజన్లు ఎదురు చూస్తున్నారు. కాగా.. ప్రస్తుతం ఓంకార్ పలు కార్యక్రమాల్లో యాంకర్‌గా రాణిస్తున్నారు. అలాగే పలు సినిమాలకు నిర్మాతగా వ్యవహరిస్తున్నారు.
