నయనతార, అనుష్క, కాజల్ సినిమాలు తగ్గించడంతో తమన్న బిజీ అవుతోంది. సీనియర్ స్టార్స్‌కి ఈ హీరోయిన్ బెస్ట్ ఆప్షన్‌గా మారిపోయింది. చిరంజీవి, మెహర్‌ రమేశ్‌ కాంబినేషన్‌లో 'భోళా శంకర్' అనే సినిమా వస్తోంది. ఈ మూవీలో తమన్నాని హీరోయిన్‌గా తీసుకున్నారు. ఇంతకుముందు తమన్న వెంకటేశ్‌తో 'ఎఫ్2' కూడా చేసింది.
శ్రుతీ హాసన్‌కి సెకండ్‌ ఇన్నింగ్స్‌లో క్రేజీ ఆఫర్స్ వస్తున్నాయి. రవితేజ 'క్రాక్' సినిమాతో సెకండ్‌ ఇన్నింగ్స్‌ మొదలుపెట్టిన శ్రుతి పాన్‌ ఇండియన్‌ మూవీస్‌తో పాటు, సీనియర్స్‌తో కూడా సినిమాలు చేస్తోంది. ప్రభాస్‌తో 'సలార్' చేస్తోన్న శ్రుతి, బాలకృష్ణ, గోపీచంద్ మలినేని సినిమాలో కూడా హీరోయిన్‌గా చేస్తోందని ప్రచారం జరుగుతోంది. మరి ఇది ఎంత మాత్రం నిజమో తెలియాలి. మొత్తానికి తమన్నా.. శ్రుతిహాసన్ మంచి అవకాశాలే కొట్టేస్తున్నారు. రకరకాల కారణాలతో కొందరు సినిమాలకు దూరమవుతుంటే ఆ అవకాశాలను సద్వినియోగం చేసుకుంటున్నారు. మరిన్న ఆఫర్లు అందుకుంటూ బిజీ అయిపోతున్నారు. మనం కూడా ఆ ఇద్దరికి ఆల్ ది బెస్ట్ చెబుదాం.
