నాగార్జున, నాగ చైతన్య ఇద్దరూ కలిసి నటించబోతున్న సినిమా బంగార్రాజు. ఇకపోతే 2016 సంవత్సరం లో విడుదలైన సోగ్గాడే చిన్ని నాయనా సినిమా తో బంగార్రాజు గా అందరినీ పలకరించిన అక్కినేని నాగార్జున ఇప్పుడు మరోసారి అదే పాత్రలతో ప్రేక్షకుల ముందుకు సందడి చేయడానికి సిద్ధమవుతున్నారు. నాగార్జున ప్రధాన పాత్రలో నటిస్తున్న చిత్రం బంగార్రాజు. 2016 లో వచ్చిన సోగ్గాడే చిన్ని నాయన సినిమాకు సీక్వెల్ గా ఈ సినిమా రాబోతోంది. ఇక ఈ సినిమాలో నాగార్జున తో పాటు ఆయన కొడుకు నాగచైతన్య నటించబోతున్న విషయం తెలిసిందే. సోగ్గాడే చిన్నినాయన సినిమా లో సందడి చేసిన నాగార్జున, రమ్యకృష్ణ జోడి బంగార్రాజు సినిమాలో కూడా కంటిన్యూ అవుతోంది.

నాగచైతన్యకు జోడిగా బేబమ్మ అలియాస్ కృతి శెట్టి జత కట్టనున్నారు. తాజాగా ఈ సినిమాకు సంబంధించిన కృతి శెట్టి ఫస్ట్ లుక్ విడుదల కాగా ఇందులో ఈమె నాగలక్ష్మి గా మనకు కనిపించనున్నారు. కృతి శెట్టి ఫస్ట్ లుక్ సినిమా నుంచి విడుదల చేస్తూ ఆ విషయాన్ని , నాగచైతన్య ఒక రూపంలో తెలియజేసాడు. నాగచైతన్య, కృతి శెట్టి పోస్ట్ కు సంబంధించిన ఈ విషయాన్ని తెలియజేస్తూ ట్వీట్ చేయగా.. ఇక ఇది చూసిన నాగార్జున, నాగచైతన్యను ఒక ప్రశ్న అడిగారు.

అంతా బాగానే ఉంది కానీ.. మరి బంగార్రాజు మాటేమిటి.. అని నాగార్జున నాగచైతన్య అని ప్రశ్నించాడు.. ఈ ప్రశ్నకు తాజాగా నాగచైతన్య రిప్లై ఇచ్చాడు.. ట్విట్టర్లో తన తండ్రిని ట్యాగ్ చేస్తూ త్వరలోనే బంగార్రాజు కూడా వస్తున్నాడు.. లేడీస్ ఫస్ట్ కదా.. అందుకే మా నాగలక్ష్మి  కి సంబంధించిన ఫస్ట్ లుక్ షేర్ చేస్తున్నాను అని చైతన్య తెలిపాడు. ఇక ఈ సినిమాను అన్నపూర్ణ స్టూడియోస్ తో పాటు జీ స్టూడియోస్ వారు సంయుక్తంగా నిర్మిస్తున్నారు.. అనూప్ రూబెన్స్ ఈ సినిమాకి స్వరాలు అందించగా, ఈ సినిమా ప్రస్తుతం షూటింగ్ శరవేగంగా జరుపుకుంటోంది.

మరింత సమాచారం తెలుసుకోండి:

NAGRJAUN NACHITHNYA

Divya

18/11/2021 03:07 PM