కైకాల మంచి నటుడు మాత్రమే కాదు నిర్మాత కూడా. ఆయన టాలీవుడ్ లో ఎన్నో అద్భుతమైన చిత్రాల్లో నటించారు. కైకాల ఆహార్యం, డైలాగులు చెప్పే తీరు ప్రేక్షకులను విశేషంగా ఆకట్టుకున్నాయి. ఆయనకు సినిమా ఇండస్ట్రీలో అసలు శత్రువు లేరంటే అతిశయోక్తి కాదేమో. అందరితోనూ సన్నిహితంగా, ప్రేమగా మెలిగే కైకాల సత్యనారాయణ అంటే ఇండస్ట్రీలో గౌరవం. సీనియర్ ఎన్టీఆర్ నుంచి జూనియర్ ఎన్టీఆర్ దాకా ఆయన నటించని సినిమా లేదు. హీరో, విలన్, తమ్ముడు, అన్నయ్య, తండ్రి, మామయ్య , తాతయ్య... ఇలా ఎలా సినిమాలో ఉన్న అన్ని పాత్రలను పోషించారు. దాదాపు 750 పైగా చిత్రాల్లో నటించిన కైకాల సత్యనారాయణ జీవితంలో ఎన్నో అవార్డులు రివార్డులు అందుకున్నారు. అవి ఏంటో తెలుసుకుందాం.
2011లో కైకాల సత్యనారాయణ రఘుపతి వెంకయ్య అవార్డు వరించింది. 2017 ఫిలింఫేర్ అవార్డు వేడుకలలో కైకాల జీవితకాల సాఫల్య పురస్కారం అందుకున్నారు. బంగారు కుటుంబం చిత్రానికి 1994లో ఉత్తమ చిత్రంగా అవార్డు అందుకున్నారు. అలాగే ఎన్టీఆర్ విజ్ఞాన్ ట్రస్ట్ అవార్డు, అనంతపురం గుడివాడ మున్సిపల్ సివిక్ సెంటర్ లో ప్రభుత్వేతర సంస్థ అందించిన నటశేఖర, కావలి కల్చరల్ అసోసియేషన్ అందించిన కళాప్రపూర్ణ పట్టుదల అందుకున్నారు. ఒకసారి తెలుగు మహాసభలకు హాజరయ్యేందుకు చత్తీస్ ఘడ్ లోని బిలాయ్ స్థానిక ప్రవాస తెలుగు ప్రజలు కైకాలను గౌరవంగా సత్కరించారు.
