అయితే లేటెస్ట్ టాలీవుడ్ వర్గాల సమాచారం ప్రకారం ఆర్ఆర్ఆర్ మూవీ నుండి తదుపరి సాంగ్ ని ఈనెల 25న విడుదల చేస్తారనే న్యూస్ ఎంతో వైరల్ అవుతోంది. ఆ సాంగ్ మంచి మెలోడీ స్టైల్ లో సాగుతుందని, అలానే సినిమాలోని కీలకమైన సీన్ దగ్గర వచ్చే ఆ పాట తరువాత మిగతా రెండు పాటలను కూడా వీలైనంత త్వరలో రిలీజ్ చేసి ఆపైన ట్రైలర్ రిలీజ్ చేసేందుకు ఆర్ఆర్ఆర్ యూనిట్ సన్నద్ధం అవుతోందట. డివివి ఎంటర్టైన్మెంట్స్ బ్యానర్ పై ప్రముఖ నిర్మాత దానయ్య నిర్మిస్తున్న ఈ భారీ ప్రతిష్టాత్మక సినిమాని బాహుబలి డైరెక్టర్ రాజమౌళి ఎంతో భారీ స్థాయిలో తెరకెక్కించగా కీరవాణి సంగీతం అందించారు.
మంచి యాక్షన్ తో కూడిన కమర్షియల్ ఎంటర్టైనర్ గా దర్శకుడు రాజమౌళి ఈ సినిమాని ఎంతో అద్భుతంగా తీసారని, ఇక ముఖ్యంగా ఈ సినిమాలో కొమరం భీం గా ఎన్టీఆర్, అలానే అల్లూరి సీతారామరాజుగా రామ్ చరణ్ ఎంతో అద్భుతంగా నటించారని, ఇక జనవరి 7న ఎంతో భారీ స్థాయిలో అత్యధిక థియేటర్స్ లో విడుదల కానున్న ఈ ఆర్ఆర్ఆర్ సినిమా తప్పకుండా అందరి అంచనాలు మించేలా గొప్ప విజయం సొంతం చేసుకుంటుందని యూనిట్ ఆశాభావం వ్యక్తం చేస్తోందట. మరి రాజమౌళి ఎంతో ప్రతిష్టాత్మకంగా నిర్మించిన ఆర్ఆర్ఆర్ మూవీ ఫలితం ఎలా ఉంటుందో తెలియాలి అంటే మరికొన్నాళ్లు ఆగాల్సిందే.
