కానీ మనోడీ యాక్టింగ్ చూసి అందరూ నెక్ట్స్ రవితేజ అంటూ కాంప్లీమెంట్స్ ఇచ్చారు. జనరల్ గా ఎవ్వరైనా కానీ ఒక సారి ఫెయిల్యూర్ వస్తే డీలా పడిపోతారు .. కానీ మనోడు మాత్రం, ఎక్కడ తగ్గకుండా ఫ్లాప్ సినిమాలు పడినా కూడా సినిమాలు చేస్తూ..లాస్ట్ కి మాస్ సైడ్ నుండి క్లాస్ సైడ్ కి వచ్చి కార్తికేయ సినిమాతో బ్లాక్ బస్టర్ హిట్ కొట్టారు. స్వామి రారా లో కూడా నిఖిల్ యాక్టింగ్ కు మంచి మార్కులే పడ్డాయి. ఇక ఆ తరువాత అర్జున్ సురవరం అనే సినిమాతో మరో హిట్ తన ఖాతాలో వేసుకున్నాడు. ఫ్లాప్ సినిమాలు పడ్డాయాని కుంగిపోకుండా తన కెరీర్ గురించి తాను నిజాయితీగా విశ్లేషించుకున్నాడు అంటూ ప్రముఖులు సైతం నిఖిల్ ని మెచ్చుకున్నారు.
ఇక మనోడి లైఫ్ లో హ్యాపీడేస్ స్టార్ట్ అయ్యాయి అని తెలుస్తుంది. వరుస విజయాలను అందుకుంటూ నిఖిల్ తో సినిమా చేస్తే మినిమం గ్యారెంటీ హిట్ అంటూ హీరోగా పేరు తెచ్చుకున్నాడు. ప్రస్తుతం నిఖిల్ ‘18 పేజెస్’, ‘కార్తికేయ-2’ సినిమాల్లో నటిస్తున్న సంగతి తెలిసిందే. ఆ రెండు చిత్రాలూ చివరి దశలో ఉన్నట్లు తెలుస్తుంది. ఇక తాజాగా నిఖిల్ "ఆర్ ఆర్ ఆర్" నుండి రిలీజ్ అయిన జనని సాంగ్ చూసి కన్నీళ్లు ఆగడం లేదంటూ ట్వీట్ చేసాడు. దేశభక్తిని చాటే విధంగా రూపొందిన "ఆర్ ఆర్ ఆర్" సినిమాలో ని ఈ జనని పాట ఆయనకు ఎంతగానో నచ్చిందని తెలిపాడు. ఇప్పటి వరకు "ఈ జనని సాంగ్‌ను మొత్తం 20సార్లు చూశానని చెప్పిన ఆయన.. చూసిన ప్రతీసారి కూడా కన్నీళ్లు ఆగడం లేదంటూ" తన ట్వీట్ లో పేర్కోన్నాడు. ఈ జనని పాట కోసం కీరవాణి ఏకంగా రెండు నెలలు శ్రమించారని ఇప్పటికే ఓ ఇంటర్వ్యుల్లో రాజమౌళి తెలిపిన సంగతి తెలిసిందే.
