ఎస్ ఎస్ రాజమౌళి దర్శకత్వంలో జూనియర్ ఎన్టీఆర్ రామ్ చరణ్ హీరోగా నటిస్తున్న తాజా చిత్రం ' రౌద్రం, రణం రుధిరం'.డివివి ఎంటర్టైన్మెంట్స్ బ్యానర్పై సుమారు 450 కోట్ల భారీ బడ్జెట్తో పాన్ ఇండియా స్థాయిలో దానయ్య ఈ సినిమాను నిర్మిస్తున్నారు. ఇక ఇప్పటికే విడుదల కావాల్సిన ఈ సినిమా కొన్ని అనివార్య కారణాల వల్ల పలుమార్లు వాయిదా పడుతూ వచ్చింది. ఇక తాజాగా షూటింగ్ పూర్తి చేసుకుని పోస్ట్ ప్రొడక్షన్ పనులు వేగవంతంగా జరుపుకుంటున్న ఈ సినిమా వచ్చే ఏడాది సంక్రాంతి కానుకగా జనవరి 7న ప్రపంచ వ్యాప్తంగా విడుదల కానుంది. ఇక విడుదల సమయం దగ్గర పడుతుండటంతో ఈ సినిమా ప్రమోషన్స్ ని చిత్ర యూనిట్ వేగవంతం చేశారు.

 ఈ క్రమంలోనే ఇప్పటికే ఈ సినిమా నుంచి పలు అప్ డేట్స్ కూడా ఇవ్వడం జరిగింది. ఇక తాజాగా సినిమా నుంచి 'నాటు నాటు' అంటూ ఓ మాస్ సాంగ్ విడుదలైన సంగతి తెలిసిందే. ఈ పాట ప్రేక్షకులందరినీ ఎంతగానో ఆకట్టుకుంది. ముఖ్యంగా సోషల్ మీడియాలో అయితే ఈ పాట ప్రభంజనం సృష్టించింది. ఇక తెలుగు తో పాటు అన్ని భాషల్లో విడుదలైన ఈ పాట యూట్యూబ్లో ఇటీవలే 80 మిలియన్ వ్యూస్ ని దక్కించుకుంది. ఇక తాజాగా నాటు సాంగ్ మరో అరుదైన రికార్డ్ సొంతం చేసుకుంది. యూట్యూబ్లో ఈ పాటకు ఏకంగా వన్ మిలియన్ లైక్స్ దక్కాయి. ఇప్పటివరకు తెలుగు సినిమాలకు చెందిన ఏ పాటలు కూడా కేవలం మూడు వారాల వ్యవధిలో మిలియన్ లైక్స్ ని సొంతం చేసుకోలేదు.

 కానీ నాటు నాటు పాట మాత్రం మూడు వారాల్లోనే  మిలియన్ లైక్స్ మార్క్  అందుకని సంచలన రికార్డు ని అందుకుంది. ఈ పాటలో ఎన్టీఆర్, చరణ్ ఇద్దరూ అద్భుతమైన మాస్ స్టెప్స్ వేయడంతో ఈ పాటకు ఈ రేంజ్ లో లైకులు వచ్చాయి. ఇక బిగ్ స్క్రీన్ పై ఈ పాటను చూడాలని మెగా, నందమూరి అభిమానులతో పాటు సాధారణ ప్రేక్షకులు సైతం ఎంతో ఆతృతగా ఎదురు చూస్తున్నారు. పీరియాడికల్  ఫిక్షన్ నేపథ్యంలో రూపొందుతున్న ఈ సినిమాలో చరణ్ అల్లూరి సీతారామరాజు గా,తారక్ కొమురం భీమ్ గా కనిపించనున్నారు. ఇక వీరి సరసన ఆలియాభట్ ఒలీవియా మోరిస్ కథానాయికలుగా నటిస్తున్నారు. బాలీవుడ్ అగ్ర నటుడు అజయ్ దేవగన్, సముద్రఖని, శ్రీయ తదితరులు ఇతర కీలక పాత్రలు పోషించారు...!!