నిజానికి ఈ సినిమా సంక్రాంతి పండుగ కానుకగా విడుదల చేద్దాం అనుకున్నారు మేకర్స్. కానీ దర్శక ధీరుడు రాజమౌళి తెరకెక్కించిన "ఆర్ ఆర్ ఆర్" అనే సినిమా జనవరి 7న రిలీజ్ కానుండడంతో కలెక్షన్స్ పరంగా సినిమాకు దెబ్బపడుతుందని భావించి మేకర్స్ మహేష్ సినిమాను ఏప్రిల్ లో విడుదల చేయడానికి రెడీ అయ్యారు. ఇక సినిమా రిలీజ్ కు బోలెడు టైం ఉన్నా కూడా..బాలయ్య హోస్ట్ గా చేస్తున్న అన్ స్టాపబుల్ అనే టాక్ షోకి గెస్ట్ గా వచ్చారు మహేష్.
ఇక కొద్ది రోజుల ముందే ఎన్టీఆర్ ఎవరు మీలో కోటీశ్వరులు షోలో సందడి చేసిన మహేష్ .. రీసెంట్ గా బాలయ్య టాక్ షో లోను తనదైన స్టైల్లో అల్లరి చేసారు. ఇక ఈ షోను హోస్ట్ చేస్తున్న బాలయ్య..మహేష్ బాబు ను కొన్ని ఫన్నీ ప్రశ్నలు వేసిన్నప్పుడు వాటిలో ఒక్క ప్రశ్నకు జవాబు చెప్పకుండా తప్పించుకునేందుకు ట్రై చేస్తుంటే..బాలయ్య సరదాగా నమ్రతకు చెప్పమంటావా అంటూ అన్నారట. దీంతో మహేష్ పక పక్కా నవ్వుతూ ఫైనల్ గా ఆన్సర్ ఇచ్చారట. ఇక ఈ టాక్ షోకి సంబంధించి మహేష్ బాబు, బాలకృష్ణ పిక్స్ కొన్ని బయటకు రావడంతో అవి నెట్టింట వైరల్ గా మారాయి.