అయితే సాధారణంగా ఎన్టీఆర్ సినిమా అన్నా.. ఏఎన్ఆర్ సినిమా అన్నా అభిమానులకు పండుగ అని చెప్పడంలో ఎలాంటి సందేహం లేదు. ఇక అలాంటిది వీరిద్దరు కలిసి నటిస్తే.. ఇక ఎంత ఆనందంగా ఉంటుందో ప్రత్యేకంగా చెప్పనక్కర్లేదు. వీరిద్దరూ కలిసి నటించిన సినిమాలను చూడటానికి థియేటర్లలో ప్రేక్షకులు క్యూ కడుతూ ఉండేవారు. అయితే చిత్ర పరిశ్రమకి ఎన్టీఆర్ కంటే ముందే అడుగుపెట్టిన ఏఎన్నార్ సినిమా రంగంలో పౌరాణిక, జానపద చిత్రాల్లో నటించి మంచి గుర్తింపు తెచ్చుకున్నారు.
అలాగే ఎన్టీఆర్ ఇండస్ట్రీలోకి అడుగు పెట్టడంతో తన రూట్ మార్చుకుని, పర్సనాలిటీకి తగ్గ పాత్రలు ఎంచుకుంటూ ఆడియన్స్‌లో తనకంటూ ఒక ప్రత్యేకమైన స్థానాన్ని సంపాదించుకున్నాడు. ఆయన హీరోగానే రాణిస్తూ సినిమాలకు దర్శకుడిగా, నిర్మాతగా కూడా వ్యవహరించారు. ఇక ఎన్టీఆర్ స్వీయ దర్శకత్వంలో దానవీరశూరకర్ణ సినిమా చేసేటప్పుడు ముందుగా అక్కినేనికి ఒక పాత్ర కోసం అవకాశం ఇచ్చారంట. అయితే ఏఎన్ఆర్ అందుకు ఒప్పుకోలేదంట.
ఇక దానికి గల ప్రధాన కారణము ఏంటంటే.. అప్పటి సీఎం జలగం వెంగళరావు కోరిక మేరకు కర్ణుడి పాత్ర కోసం ఏఎన్ఆర్‌ను.. ఎన్టీఆర్ అడిగితే అలాంటి పాత్రలు తనకు సూట్ అవవని అందుకే నిరాకరించారంట. కాగా.. ఎన్టీఆర్ ఆ సినిమాలో కృష్ణుడి పాత్ర అయినా వేయమని చెబితే నాకు ఇష్టం లేదు అంటూ చెప్పడంతో ఇక ఎన్టీఆర్ ‘దాన వీర శూర కర్ణ’ ఇలా నాలుగు పాత్రల్లో నటించి ప్రేక్షకులను ఆకట్టుకున్నారు. ఆ సినిమా అప్పట్లో కోటి రూపాయలు వసూలు చేసిన సినిమాగా ఇండస్ట్రీలో రికార్డు సృష్టించింది
