హ్యాట్రిక్ విజయాలతో జోరు మీదున్న బాలయ్య, బోయపాటి... కాంబినేషన్ మరోసారి కలిసేలా కనిపిస్తోంది. ఇందు కోసం ఓ యువ నిర్మాత భారీ చిత్రాన్ని ప్లాన్ చేస్తున్నట్లు ఇప్పటికే టాలీవుడ్‌లో ప్రచారం జోరుగా జరుగుతోంది. అటు బోయపాటికి వరుసగా రెండు ప్లాపులు, బాలయ్యకు కూడా ప్లాపులు రావడంతో.. అఖండపై అంతగా అంచనాలు లేకుండా పోయాయి. కానీ అఖండ సూపర్ హిట్ కావడంతో... బోయపాటి ఇంటి బాట పట్టారు నిర్మాతలంతా. అయితే ముందుగా ఓ యువ నిర్మాత బోయపాటి, బాలయ్య కాంబినేషన్ సినిమా కోసం ప్రయత్నం చేస్తున్నట్లు సమాచారం. హారిక, హాసిని అనుబంధ సంస్థగా ఉన్న సితార ఎంటర్‌టైన్‌మెంట్ బీ బీ - 4 సినిమాకు ప్లాన్ చేస్తున్నట్లు తెలుస్తోంది. యువ నిర్మాత నాగ వంశీ ఇప్పటికే ఈ సినిమా కోసం స్టోరీ రెడీ చేయాలని బోయపాటిని కలిసినట్లు ఫిలిం నగర్‌లో తెగ చర్చ నడుస్తోంది. ఈ సినిమా అఖండ సీక్వెల్ అవుతుందా... లేక మరో కొత్త యాక్షన్ కథతో ఉంటుందా అనేది ప్రస్తుతానికి సస్పెన్స్. ఏదీ ఏమైనా అఖండ హిట్‌తో బాలయ్య, బోయపాంటి కాంబోపై అంచనాలు ఆకాశాన్ని అంటుతున్నాయి.
