ఇక నాగార్జున సరసన రమ్యకృష్ణ హీరోయిన్ గా నటిస్తుండగా, నాగచైతన్య సరసన కృతి శెట్టి హీరోయిన్ గా నటిస్తున్నడం విశేషం. ఇక ఈ సినిమాలో ఇద్దరు బంగార్రాజులు ఉంటారని తెలుస్తోంది. ఈ ఇద్దరిలో మొదటి బంగార్రాజు నాగార్జున కాగా రెండవ బంగార్రాజు అక్కినేని నాగచైతన్య అని తెలుస్తుంది. నాగార్జున పాత్ర చనిపోయి స్వర్గం లో ఉంటాడు. అలా స్వర్గంలో ఉండే బంగార్రాజు కు మనవడు ఉంటాడు. ఆయనే మరొక బంగార్రాజు. తల్లిదండ్రులు లేని ఈ బంగార్రాజు గురించి తెలుసుకుంటారు.
ఆలనా పాలనా చూసుకునే వారు లేక ఇష్టానుసారంగా వ్యవహరిస్తూ ఉంటాడు చిన్న బంగార్రాజు. అలాంటి వ్యక్తికి అదే గ్రామానికి చెందిన పొలిటికల్ లీడర్ అయిన ఓ అమ్మాయిని పెళ్లి చేసే దారికి వస్తాడు అనుకుంటారు బంగార్రాజు మరియు ఆయన భార్య. అందుకుగాను వారిద్దరూ స్వర్గం నుంచి దిగి వచ్చి ఏ విధంగా వారి మనవడు ని దారి లో పెట్టారు అనేదే ఈ సినిమా కథ. ఎంతో ఆసక్తిగా ఉన్న ఈ సినిమా కథ ఇదే అయితే మాత్రం తప్పకుండా సూపర్ హిట్ అవుతుందని అక్కినేని అభిమానులు భావిస్తున్నారు. ఈ చిత్రానికి అనూప్ రూబెన్స్ సంగీతం అందిస్తుండగా నాగార్జున మరొకసారి బంగారాజు పాత్రలో అలరించబోతున్నారు. మరి ఈ సారి ఈ ఇద్దరు తండ్రి కొడుకులు ప్రేక్షకులను ఏ రేంజ్ లో అలరిస్తారో చూడాలి.
