ముఖ్యంగా అంతకముందు కెరీర్ పరంగా సరైన సక్సెస్ కోసం చూస్తున్న అఖిల్ అక్కినేని కి ఈ సినిమా సక్సెస్ పెద్ద బ్రేక్ ని అందించింది అనే చెప్పాలి. ఇక ఈ సినిమాకి గోపిసుందర్ అందించిన అద్భుతమైన సాంగ్స్ సినిమాపై అందరిలో ఎన్నో అంచనాలు పెంచాయి. ఇక సినిమాలో అఖిల్, పూజా హెగ్డే ల జోడీ అందరినీ ఎంతో ఆకట్టుకోవడంతో పాటు తమ పెర్ఫార్మన్స్ లతో వారిద్దరూ ఆడియన్స్ ని అలరించారు. ముఖ్యంగా దర్శకుడు బొమ్మరిల్లు భాస్కర్ సినిమాని తన గత సినిమాల మార్క్ స్టైల్ లో అలానే అన్ని వర్గాల ఆడియన్స్ ని అలరించేలా సూపర్ గా తెరకెక్కించారు.
దాదాపుగా అనేక కేంద్రాల్లో మంచి కలెక్షన్స్ సొంతం చేసుకున్న మోస్ట్ ఎలిజిబుల్ బ్యాచిలర్ సినిమా రిలీజ్ తరువాత హీరోగా అఖిల్ రేంజ్ మరింతగా పెరిగింది. ఇక లవ్ లో నిజమైన రొమాన్స్ అంటే ఏంటి అనే చిన్న పాయింట్ ని తీస్కుని దర్శకుడు భాస్కర్ తీసిన ఈ సినిమా పై అటు ప్రేక్షకాభిమానులు తో పాటు సినిమా ప్రముఖులు కూడా ప్రశంసలు కురిపించారు. మొత్తంగా అటు కెరీర్ పరంగా వేచి చూస్తున్న అఖిల్ కి అలానే దర్శకుడు భాస్కర్ కెరీర్ కి కూడా పెద్ద బూస్ట్ ని ఇచ్చింది మోస్ట్ ఎలిజిబుల్ బ్యాచిలర్ సినిమా.
