దాంతో ఈ సారి తప్పకుండా అఖండ విజయాన్ని అందుకోవాలని చెప్పి బాలకృష్ణతో కలిసి అఖండ సినిమా చేయగా అది భారీ స్థాయిలో హిట్ అయ్యింది. ఈ నేపథ్యంలోనే ఇప్పుడు ఆయనకు పెద్ద హీరోల దగ్గర నుంచి మంచి మంచి ఆఫర్లు వస్తున్నాయట. ఏకంగా మెగాస్టార్ చిరంజీవి దగ్గర్నుంచి ఆయనకు కబురు వచ్చింది అంటే ఏ స్థాయిలో బోయపాటి విజయాన్ని అందుకున్నాడు అనేది అర్థం చేసుకోవచ్చు. మెగాస్టార్ చిరంజీవి ప్రస్తుతం నాలుగు సినిమాలు చేస్తున్నాడు. అవి వచ్చే ఏడాది నాటికి షూటింగ్ లతో సహా పూర్తవుతాయి.
ఈ నేపథ్యంలోనే అయన తన తదుపరి చిత్రాన్ని బోయపాటి తో చేస్తే ఎలా ఉంటుంది అన్న ఆలోచన రాగానే వెంటనే ఆయనకు కబురు పెట్టాడట. ఓ మంచి కథ కూడా రెడీ చేయమని కూడా చెప్పాడట. దాంతో ఆ మెగా పనులలో ఉన్న బోయపాటి శీను మరోవైపు అల్లు అర్జున్ తో సినిమా పూర్తి చేయాలని భావిస్తున్నాడు. మరి బోయపాటి శ్రీను బాలకృష్ణ తో మరో సినిమా కూడా చేయబోతున్నాడు అనే వార్తలు వస్తున్న నేపథ్యంలో ఈ దర్శకుడు ఎవరి తో సినిమా చేస్తాడా అనేది చూడాలి. గతంలోనే బోయపాటి శ్రీను మరియు మెగాస్టార్ చిరంజీవి ల కాంబో లో సినిమా రావాల్సి ఉండగా అది కొన్ని కారణాల వల్ల క్యాన్సిల్ అయింది. మరి ఇప్పుడు ఆ చిత్రం తెరకెక్కుతుందా అనేది చూడాలి.
