ప్రస్తుతం తెలుగులో అరవింద స్వామికి డిమాండ్ మళ్లీ పెరుగుతోందని అంటున్నారు. అరవింద స్వామి తెలుగులో గతంలో ఒక సినిమాలో విలన్ గా నటించగా ఆ సినిమాలో అతని పాత్ర బాగా హైలెట్ కావడమే కాకుండా హీరో కంటే కూడా డామినేట్ చేసింది అనే వ్యాఖ్యలు వినిపించాయి. ఈ నేపథ్యంలో తెలుగులో అతని కోసం చాలామంది దర్శక నిర్మాతల ఎదురు చూస్తున్నారని మెగా హీరోలు ప్రత్యేకంగా ఆయన విలన్ గా నటించడానికి రెడీ గా ఉన్నారని అంటున్నారు. తాజాగా అల్లు అర్జున్ కొరటాల శివ సినిమాలో అరవింద స్వామి ని విలన్ గా ఫైనల్ చేసినట్లు వార్తలు వస్తున్నాయి.
దీనికి సంబంధించి అరవిందస్వామి కూడా గ్రీన్ సిగ్నల్ ఇచ్చాడని త్వరలోనే ఈ సినిమా సెట్స్ మీదకు వెళ్లే అవకాశాలున్నాయని అంటున్నారు. అయితే ఈ సినిమాలో విలన్ గా నటించడానికి అరవిందస్వామి దాదాపుగా ఆరు కోట్ల వరకు డిమాండ్ చేశాడని అయినాసరే నిర్మాత ఎక్కడా కూడా వెనక్కి తగ్గలేదని త్వరలోనే దీనికి సంబంధించి అధికారిక ప్రకటన కూడా చిత్ర యూనిట్ విడుదల చేయవచ్చని అంటున్నారు. ఏది ఎలా ఉన్నా సరే ఈ సినిమాకు సంబంధించి కాస్త ఇప్పుడు తెలుగు సినిమా వర్గాలు ఆసక్తిగా ఎదురుచూస్తున్నాయి.దీనిపై త్వరలో క్లారిటీ రానుంది.
