అడ‌వి నేర్పిన భాష
ప్రేమ భాష
ప్ర‌కృతి చేసిన వ‌ర్ణ‌న
ప్రేమ కావ్యం
ప్రేమ వృద్ధి
ప్రేమ కొన్నింట ప్ర‌గ‌తి
ప్రేమ ఏమ‌యినా కావొచ్చు
కానీ మ‌నిషి మాత్రం నిల‌క‌డ
అయితే మేలు మ‌న పుష్ప అలా ఉంటాడా?
శ్రీ‌వ‌ల్లి ప్రేమ‌లో.. సినిమా ఫ్రేములో
 

చుట్టూ ప‌చ్చందనాలు పోగేసుకున్న నేల నుంచి ఏమ‌యినా నేర్చుకోవాలి.. చుట్టూ ప్రేమ పోగేసుకున్న మ‌న‌సు లో ఏమ‌యినా దాచుకోవాలి. మ‌న‌సు నుంచి మ‌న‌సు వ‌ర‌కూ అడ‌వి నుంచి అడ‌వి వ‌ర‌కు.. మ‌నిషి నుంచి మ‌నిషి వ‌ర‌కు క‌థ ముఖ్యంగా చెప్పాలంటే ప్రేమ క‌థ అందుకే ఈ సినిమాపై మ‌రింత శ్ర‌ద్ధ. సుక్కూ రాసిన ప్రేమ క‌థ.. ఈ క‌థ‌లో  క‌ర్క‌శం ఉంది కారుణ్యం ఉంది అడ‌విలో తిరుగాడిన క‌థ క‌నుక ఓ ప్ర‌త్యేకత ఉంది.. అవును ఈ క‌థలో సున్నిత‌త్వం క‌థ‌నంలో మ‌నో వేగం ఇవ‌న్నీ కూడా క‌ట్టిప‌డేస్తాయి.. సుక్కూ క‌థ‌ల‌న్నీ ఇలానే ఉంటాయి.. అల్ట్రా మోడ్ర‌న్ క‌థ రాసినా, గ్రామీణ నేప‌థ్య మిళితం అయిన క‌థ రాసినా అచ్చ తెలుగు పల్లెల్లో స్వ‌చ్ఛ‌త ఆయ‌న ప్రేమ.. న‌గర జీవనంలో కూడా వెతికే  ఆర్ద్ర‌త ఆయ‌న ప్రేమ. అవును ప్రేమ ద్వేషం రెండూ ఉంటేనే క‌థ.. ఈ క‌థకు ద్వేషం ఎక్క‌డ ఎందుకు ప్రేమ ఎందుకు ఎక్క‌డ అన్న‌వి  మ‌రికొద్ది గంట‌ల్లో తేలిపోనుంది. 


ఈ క‌థ కు అద‌న‌పు సోయ‌గం ప్ర‌కృతి.. ఈ క‌థ‌కు ప్రత్య‌క్ష సాక్షి అడ‌వి.. ఈ రెండింటి  న‌డుమా న‌డిచే క‌థ ఇది. పాట‌ల్లోనూ కథ ప‌ల్ల‌వించే తీరు కూడా ఈ సినిమాకు ఓ అద‌న‌పు ఆక‌ర్ష‌ణ.. శ్రీ‌వ‌ల్లితో ప్రేమ‌లో ప‌డిన తీరు గురించి చెప్పినా, పుష్ప‌రాజ్ నేప‌థ్యం గురించి చెప్పినా అవ‌న్నీ సినిమా క‌థ‌లో భాగం.. సినిమా న‌డ‌వ‌డిని ఆప‌వు గాక ఆప‌వు. ఈ ఆకుప‌చ్చ‌ని ప్రేమ గీత చుట్టూ ఓ క్రైం స్టోరీ ఉంది.. ఆ స్టోరీ పోలీసుకు అడ‌వి పై ఉన్నంత ప్రేమ ఎంత ఒక స్మ‌గ్ల‌ర్ కు అడ‌వి పై ఉన్న ప‌ట్టు ఎంత అన్న‌ది చెబుతుంది. ఇంకా ఎన్నో.. ఇంకా ఏవేవో!


మరింత సమాచారం తెలుసుకోండి: