ఓ వైపు అల్లు అర్జున్ హీరోగా నటించిన పుష్ప.. ది రైజ్ పార్ట్ వన్ సినిమా రిలీజ్ అయినా కూడా... అఖండ సినిమా కలెక్షన్లలో ఏ మాత్రం తేడా రాలేదు. అఖండ జోరు కొనసాగుతూనే ఉంది. ఓ వైపు పైరసీ ప్రింట్ ప్రస్తుతం నెట్‌లో ఉన్నప్పటికీ... థియేటర్లకు వస్తున్నారు ప్రేక్షకులు. ఇదే సమయంలో ఓటీటీలో అఖండ రిలీజ్ డేట్ దాదాపు ఖరారైనట్లు తెలుస్తోంది. అఖండ సినిమా ఓటీటీ హక్కులను ప్రముఖ సంస్థ డిస్నీ హాట్ స్టార్ సంస్థ దక్కించుకుంది. క్రిస్మస్ కానుకగా ఈ సినిమా ఓటీటీలో విడుదల అవుతుందని అంతా భావించారు. అయితే మరో నాలుగు రోజుల్లోనే క్రిస్మస్ కావడంతో... ఓటీటీ ఎఫెక్ట్ సినిమా కలెక్షన్ పై పడుతుందని నిర్మాతలు భావిస్తున్నారు. దీంతో... క్రిస్మస్‌కు బదులుగా... జనవరి ఒకటిన విడుదల చేసేందుకు హాట్ స్టార్ సంస్థ రెడీ అయ్యింది. జనవరి ఫస్ట్ కానుకగా... బాలయ్య అభిమానుల ఇంట అఖండ సందడి చేయనుంది.
