ఇక టీడీపీ ఏపీ మహిళా అధ్యక్షు రాలు వంగలపూడి అనిత లాంటి వాళ్లు అయితే నాని ధైర్యాన్ని మెచ్చుకున్నారు. ఇక కొందరు నిర్మాత లతో పాటు మరో హీరో సిద్ధార్థ్ లాంటి వాళ్లు నానికి సపోర్ట్ చేస్తూ ట్వీట్లు వేస్తున్నారు. సందీప్ కిషన్ కూడా నానికి సపోర్ట్ చేశారు. బ్రహ్మాజీ లాంటి వాళ్లు కూడా జగన్ ఈ విషయంలో కాస్త ఆదుకోవాలని కోరారు. ఇదిలా ఉంటే ఈ రోజు ఇదే విషయమై ఏపీ మంత్రి అనిల్ కుమార్ కూడా స్పందించారు.
ఈ రోజు నెల్లూరు లో మీడియాతో మాట్లాడిన ఆయన టిక్కెట్ రేట్లు పెంచాలని అడుగుతోన్న వారిపై తీవ్ర ఆగ్రహం వ్యక్తం చేశారు. నాని అన్న వ్యాఖ్యల పై స్పందించాలని మీడియా వాళ్లు అడిగితే అసలు నాని ఎవరో తనకు తెలియదని వ్యగ్యంగా అనిల్ కుమార్ చెప్పారు. తనకు తెలిసింది అల్లా మంత్రి కొడాలి నాని మాత్రమే తెలుసు అని చెప్పారు. టిక్కెట్ రేటు తగ్గితే ఎక్కడ తమ రెమ్యునరేషన్ తగ్గిపోతుందో ? అన్న బాధతోనే కొందరు ఈ డిమాండ్లు చేస్తున్నారంటూ అనిల్ కుమార్ మండి పడ్డారు.