సొనాల్ చౌహాన్ హీరోయిన్గా ఎంట్రీ ఇచ్చి 13 ఏళ్లు అవుతోంది. అయితే ఇప్పటివరకు ఈ హీరోయిన్కి సరైన స్టార్డమ్ లేదు. బాలక్రిష్ణతో చేసిన 'డిక్టేటర్, రూలర్' తర్వాత సొనాల్ని ఎవరూ పెద్దగా పట్టించుకోలేదు. దీంతో సొనాల్ ఫేడవుట్ అవుతుందనే కామెంట్స్ వచ్చాయి. ఇలాంటి సమయంలోనే నాగార్జున 'ది ఘోస్ట్' సినిమాలో హీరోయిన్గా ఆఫర్ అందుకుంది. కాజల్ తప్పుకోవడంతో సోనాల్ని తీసుకున్నాడు నాగార్జున. అలాగే 'ఎఫ్3'లో కూడా ఒక హీరోయిన్గా చేస్తోంది సోనాల్.
తమన్నా మిల్కీగ్లామర్తో హడావిడి చేస్తోంది గానీ, అవకాశాలు మాత్రం పెద్దగా రావడంలేదు. థర్టీ ప్లస్లో ఉందని మిల్కీని యంగ్స్టర్స్ పెద్దగా ప్రిఫర్ చేయడం లేదు. దీంతో తమన్నా కొంచెం స్లో అయింది. ఇలాంటి సమయంలో సీనియర్ హీరోలు ఏంజెల్ గాడ్స్లా ఎంట్రీ ఇచ్చారు. చిరంజీవి 'భోళాశంకర్' సినిమాలో హీరోయిన్గా తీసుకున్నాడు. శ్రుతీ హాసన్ సెకండ్ ఇన్నింగ్స్ స్టార్ట్ చేసినప్పుడు మళ్లీ ఈమె బిజీ అవుతుందా అని చాలామంది సందేహించారు. కానీ శృతి మాత్రం అందరి అనుమానాలు తీరుస్తూ, పాన్ ఇండియన్ మూవీతో పాటు, సీనియర్ల సినిమాలతో బిజీగా ఉంది. రవితేజ 'క్రాక్'తో సెకండ్ ఇన్నింగ్స్ స్టార్ చేసిన శ్రుతి నెక్ట్స్ బాలకృష్ణ, గోపీచంద్ మలినేని సినిమాలో సందడి చేయబోతోంది. అలాగే ప్రభాస్తో 'సలార్'లో స్టెప్పులేస్తోంది శ్రుతి.