టాలీవుడ్ యంగ్ హీరో పంజా వైష్ణవ్ తేజ్, బుచ్చిబాబు సన దర్శకత్వంలో కృతి శెట్టి హీరోయిన్ గా తెరకెక్కిన ఉప్పెన సినిమాతో వెండి తెరకు పరిచయం అయ్యాడు, మొదటి సినిమాలోనే తన నటనతో ఎంతో మంది ప్రేక్షకుల మనసు దోచుకున్న ఈ యంగ్ హీరో మొదటి సినిమా తోనే బాక్స్ ఆఫీస్ దగ్గర బ్లాక్ బస్టర్ విజయాన్ని అందుకున్నాడు, అలాగే మొదటి సినిమాతోనే వంద కోట్ల కలెక్షన్ లను సాధించిన హీరోగా గుర్తింపు తెచ్చుకున్నాడు. అలాగే ఈ సినిమా విషయంలో కృతి శెట్టి అందచందాలు, నటన ప్రధాన పాత్రను పోషించగా, దేవి శ్రీ ప్రసాద్ ఈ సినిమాకు అందించిన సంగీతం కూడా ఈ సినిమా విజయంలో ప్రముఖ పాత్రను పోషించింది.
టాలీవుడ్ యంగ్ హీరో సంతోష్ శోభన్ 'పేపర్ బాయ్' సినిమా తో తెలుగు ప్రేక్షకులను పలకరించిన ఈ హీరో, ఏక్ మినీ కథ సినిమాతో మంచి విజయాన్ని అందుకున్నాడు, ఈ సినిమా థియేటర్ లలో కాకుండా ప్రముఖ ఓటిటి అమెజాన్ ప్రైమ్ లో విడుదల అయ్యింది, ఈ సినిమాతో సంతోష్ శోభన్ ఇటు ప్రేక్షకుల నుండి అటు విమర్శకుల నుండి మంచి ప్రశంసలు పొందాడు,
తేజ సజ్జ చిన్న తనం నుండి అనేక సినిమాల్లో నటించి మంచి గుర్తింపు తెచ్చుకున్న ఈ నటుడు జాంబీ రెడ్డి సినిమాతో బాక్సాఫీస్ దగ్గర మంచి విజయాన్ని అందుకున్నాడు, జాంబీస్ కథాంశం తో తెరకెక్కిన ఈ సినిమా ఇటు ప్రేక్షకుల నుండి అటు విమర్శకుల నుండి మంచి ప్రశంసలు పొంది బాక్సాఫీస్ దగ్గర మంచి విజయాన్ని అందుకుంది.
