ఈ తరుణంలో ఈ నేపథ్యంలో....:
పుష్ప సినిమా విడుదల అనంతరం సుక్కూ ఐడియాలే మారిపోయాయి. తన తరువాత సినిమా (పుష్ప 2) కు సిద్ధం అవుతూనే ఎప్పటి నుంచో ఆహాకు చేయాలనుకుంటున్న వెబ్ సిరీస్ కు కంటెంట్ ను సిద్ధం చేస్తున్నారు. అయితే ఈ పిచ్చి కారణంగా చాలా మంది విమర్శలు చేస్తున్నారు. మారేడుమిల్లి డీప్ ఫారెస్ట్ లో పుష్ప మొత్తం చుట్టేశారు. ఆ సినిమాకు డిజిటల్ ప్రచారం కారణంగానే అంత పేరు తెచ్చుకుంది. అంతేకానీ వాస్తవంగా డిజిటల్ ప్రమోషన్ కానీ అల్లు అర్జున్ చెప్పిన మాటలు చేసిన హంగామా కానీ లేకుంటే సినిమాకు ఇవాళ ఇంతటి హైప్ రాదు. అన్ని భాషల్లోనూ బ్లాక్ బస్టర్ అన్న టాక్ (కలెక్షన్ల పరంగా) అయితే అస్సలు రాదు. ఇక ఈ సినిమాకు కంటిన్యూషన్ ఉందని పుష్ప ద రూల్ అని ఎప్పుడో చెప్పేశారు కనుక ఆ సినిమా పై ఇప్పటి నుంచే ఓ రేంజ్ లో అంచనాలు ఉన్నాయి. కానీ ఈ కథ తరువాత అయినా రంగస్థలం, ఉప్పెన, పుష్ప లాంటి సినిమాలు కాకుండా వేరే పద్ధతిలో వేరే నేపథ్యంలో సినిమాలు ఆయన చేస్తారని అందరూ అనుకున్నా ఇప్పటికిప్పుడు అవేవీ సాధ్యం కావడం లేదు.