ఈ నేపథ్యంలోనే సంక్రాంతి బరిలో చిన్న చిన్న సినిమాలతో పాటు ఇతర భాషా చిత్రాల సినిమాలు తెలుగులో డబ్బింగ్ అవుతున్నాయి. ఇక ఆ సినిమాలు కూడా సంక్రాంతి పండుగకు రిలీజ్ కానున్నట్లు సమాచారం. ఏ భాష నుంచి తెలుగులోకి డబ్బింగ్ అయ్యి.. సంక్రాంతి పండుగకు విడుదల అవుతున్నాయో ఆ సినిమాల గురించి ఒకసారి మనం చదివి తెలుసుకుందాం. సంక్రాంతి బరిలో డబ్బింగ్ అల్లుళ్ళము మేము వస్తున్నాము అంటూ ఎవరెవరు అంటున్నారో కూడా ఒకసారి చదివి తెలుసుకునే ప్రయత్నం చేద్దాం..
1. వాలిమై:తమిళ్ సూపర్ స్టార్ హీరో అజిత్ నటించిన వాలిమై సినిమా సంక్రాంతి పండుగ కానుకగా జనవరి 13వ తేదీన రిలీజ్ కాబోతోంది. ఈ సినిమాలో మన తెలుగు యంగ్ హీరో కార్తికేయ విలన్ గా చేయడం మరో విశేషం. తెలుగు ,తమిళ్ ,హిందీ భాషల్లో రిలీజ్ కాబోతోంది.
2. సామాన్యుడు:తమిళ్ స్టార్ హీరో విశాల్ నటిస్తున్న సామాన్యుడు సినిమా జనవరి 14 వ తేదీన సంక్రాంతి పండుగకు ప్రేక్షకుల ముందుకు రానుంది. ఇక ఈ తమిళ సినిమా తెలుగులో కూడా డబ్ అయ్యి విడుదల కావడం గమనార్హం.
3. సెల్యూట్:మలయాళం స్టార్ హీరో దుల్కర్ సల్మాన్ ప్రధాన భూమిక గా నటించిన సినిమా సెల్యూట్. ఈ సినిమా జనవరి 14 వ తేదీన విడుదల కానుంది.
4. నాపేరు శివ 2:తమిళ్ హీరో కార్తి అప్పట్లో చేసిన మద్రాస్ సినిమాని ఇప్పుడు తెలుగులో నా పేరు శివ 2 గా డబ్ చేసి విడుదల చేస్తున్నారు. అయితే ఈ సినిమాకు సంబంధించి విడుదల తేదీని అయితే ఇంకా ప్రకటించకపోవడం గమనార్హం.