తొలి సినిమా నుంచి మంచి మంచి కాన్సెప్ట్ ల ను ఎంచుకుంటూ హీరోలకు మర్చిపోలేని సూపర్ హిట్ లను అందిస్తూ ఇప్పుడు స్టార్ దర్శకుడి గా ఎదిగాడు సుకుమార్. ఆయన దర్శకత్వంలో సినిమా చేస్తే తప్పకుండా భారీ స్థాయిలో క్రేజ్ మరియు ఇమేజ్ అందుకోవచ్చు అనేది హీరోల ఆశ. అందుకే ఆయనతో ఒకసారి పనిచేసిన ఏ హీరో అయినా రెండుసార్లు మూడుసార్లు పని చేయాలని కోరుకుంటారు. ఆ విధంగా ఇటీవలే అల్లు అర్జున్ ఆయనతో కలిసి పుష్ప సినిమా చేయగా పాన్ ఇండియా స్థాయి లో ఆయనకు పేరు ప్రఖ్యాతలు తీసుకు వచ్చింది. పుష్ప చిత్రం వీరి కాంబినేషన్లో మూడో సినిమా మాత్రమే కాదు అల్లు అర్జున్ ను పాన్ ఇండియా మార్కెట్ లో పరిచయం చేస్తున్న సినిమా కూడా.

ఈ నేపథ్యంలో వీరి కాంబినేషన్లో వచ్చే ఈ మూడవ సినిమా సూపర్ హిట్ అవడం మాత్రమే కాదు అల్లు అర్జున్ కు ఇండియా వైడ్ గా భారీ స్థాయిలో ఇమేజ్ తీసుకురావాల్సిన బాధ్యత సుకుమార్ పై ఏర్పడింది. అందుకే ఆ అంచనాలకు తగ్గట్టుగా ఈ సినిమా కోసం ఎంతో కష్టపడి ఎన్నో అవమానాలను ఎదుర్కొని చిత్రాన్ని తెరకెక్కించి ఇప్పుడు ఇంతటి స్థాయి విజయాన్ని అల్లు అర్జున్ కు అందించాడు సుకుమార్. ఏదైతేనేం అల్లు అర్జున్ ఏ స్థాయిలో పాన్ ఇండియా ఇమేజ్ కావాలి అనుకున్నాడో అదే స్థాయిలో ఈ సినిమా హిట్ అయ్యింది.

అయితే సుకుమార్ తన మొదటి సినిమా నుంచి ఐటమ్ సాంగ్స్ పెట్టి ప్రేక్షకులను ముఖ్యంగా మాస్ ప్రేక్షకులను ఎంతగానో ఆకట్టుకుంటాడు. దాదాపుగా అన్ని సినిమాల్లోనూ ఆయన ఐటెం సాంగ్ పెట్టి మంచి బిజినెస్ చేశాడు. అదే విధంగా ఆయన గత రెండు చిత్రాల్లో స్టార్ హీరోయిన్ లను ఐటం భామలుగా మార్చి వారితో చేయడం జరిగింది. ఇది కేవలం సుకుమార్ కె చెల్లింది అని చెప్పాలి. వాస్తవానికి పెద్ద హీరోయిన్లు ఎవరు కూడా ఇలాంటి పాత్రలో నటించడానికి పెద్దగా ఒప్పుకోరు. కానీ ఏ విధంగా వారిని మాయ చేశాడో తెలియదు కానీ వారిని ఈ పాటలో చేయడానికి ఒప్పించాడు సుక్కు. ఈ నేపథ్యంలో పూజా హెగ్డే మరియు సమంత సుకుమార్ సినిమా లలో ఐటెం సాంగ్స్ చేసిన తర్వాత వారి కెరీర్ వేరే లెవెల్ కి వెళ్ళిపోయింది అని చెప్పవచ్చు. 

మరింత సమాచారం తెలుసుకోండి:

pushpa

P.Nishanth Kumar

12/01/2022 02:30 PM