ఇక ఈ సినిమా నుండి స్పెషల్ అప్డేట్ ఫ్యాన్స్ ని అలరిస్తుంది. బాలయ్య 107వ సినిమా జనవరి 21 నుండి షూటింగ్ స్టార్ట్ చేస్తున్నారట. జగిత్యాలలో ఈ సినిమా మొదటి షెడ్యూల్ చేస్తారని తెలుస్తుంది. సినిమాలో లీడ్ యాక్టర్స్ అంతా ఈ షెడ్యూల్ లో పాల్గొంటారని టాక్. శృతి హాసన్ తో పాటుగా ఈ సినిమాలో కోలీవుడ్ యాక్ట్రెస్ వరలక్ష్మి శరత్ కుమార్ కూడా నటిస్తున్నారు. ఈ సినిమాలో ఆమెది కూడా చాలా ఇంపార్టెంట్ రోల్ అని తెలుస్తుంది. ఆల్రెడీ క్రాక్ సినిమాలో వరలక్ష్మి శరత్ కుమార్ జయమ్మ పాత్రలో మెప్పించింది. ఇప్పుడు ఈ సినిమాలో కూడా ఆమె తన సత్తా చాటనుందని తెలుస్తుంది.
మాస్ సినిమాలు బాగా చేసే గోపీచంద్ మలినేని ఫస్ట్ టైం మాస్ కి కేరాఫ్ అడ్రెస్ అయిన బాలకృష్ణతో సినిమా చేస్తున్నారు. ఈ సినిమా తప్పకుండా నందమూరి ఫ్యాన్స్ తో పాటుగా సినీ ప్రేక్షకులను అలరించేలా ఉంటుందని అంటున్నారు. సినిమాను 3 షెడ్యూల్ లోనే మ్యాక్సిమం పూర్తి చేయాలని ప్లాన్ చేస్తున్నారు మేకర్స్. ఇక ఈ సినిమా తర్వాత బాలయ్య అఖండ సీక్వల్ చేసే ఆలోచనలో ఉన్నాడు. అంతేకాదు అనీల్ రావిపుడి, పూరీ జగన్నాథ్ లతో సినిమాలు లైన్ లో పెట్టాడని టాక్.