బంగార్రాజు సినిమాలో నాగ చైతన్య చాలా ప్రత్యేకంగా అనిపిస్తాడు. అంతేకాదు ఈ సినిమా హిట్ తో కెరియర్ లో వరుసగా నాలుగవ హిట్ కొట్టేశాడు నాగ చైతన్య. మజిలీ, వెంకీ మామ, లవ్ స్టోరీ సినిమాలతో హ్యాట్రిక్ హిట్లు అందుకున్న నాగ చైతన్య బంగార్రాజు సినిమాతో మరో సూపర్ హిట్ అందుకున్నాడు. ఈ సినిమాతో చైతు డబుల్ హ్యాట్రిక్ కి రంగం సిద్ధం చేసుకున్నాడు. నటుడిగా చైతు తన పరిణితిని సినిమా సినిమాకు పెంచుకుంటూ వస్తున్నాడు.
నాగ చైతన్య ప్రస్తుతం తన హిట్ ఫాం ని కొనసాగిస్తున్నాడు. ఫాం లో ఉన్న బ్యాట్స్ మెన్ సిక్సులు మీద సిక్సులు కొట్టినట్టు నాగ చైతన్య కూడా తన సినిమాలతో వరుస సక్సెస్ లను అందుకుంటున్నాడు. బంగార్రాజు తర్వాత నాగ చైతన్య విక్రం కె కుమార్ చేస్తున్న థ్యాంక్యు మూవీలో నటిస్తున్నాడు. దిల్ రాజు నిర్మిస్తున్న ఈ సినిమాలో రాశి ఖన్నా హీరోయిన్ గా నటిస్తుంది. ఈ సినిమా కూడా హిట్టు పడితే నాగ చైతన్య కెరియర్ స్ట్రాంగ్ గా మారినట్టే అని చెప్పొచ్చు. ఆడియెన్స్ తనని ఎలా చూసేందుకు ఇష్టపడుతున్నారో అలాంటి కథలనే ఎంచుకుంటూ వరుస సక్సెస్ ఫుల్ సినిమాలను చేస్తున్నాడు నాగ చైతన్య. అక్కినేని హీరోల్లో నాగ చైతన్య ప్రస్తుతం ఓ రేంజ్ సక్సెస్ మేనియా కొనసాగిస్తున్నాడు.
