గురు ' మరియు ' ఆకాశం నీ హద్దురా ' సినిమాలతో దక్షిణాది ఇండస్ట్రీని బాగా ఆకర్షించిన దర్శకురాలు సుధా కొంగర. 'ఆకాశం నీ హద్దురా ' చిత్రం ప్రేక్షకుల మన్ననలు పొందడంతో పాటు విమర్శకుల ప్రశంసలు కూడా దక్కించుకుంది

దీంతో ఆ సినిమాను హిందీలో రీమేక్ చేయబోతున్నారు.గతేడాది జులైలోనే ఆ రీమేక్‌ను ప్రకటించారు. ప్రస్తుతం ప్రీ ప్రొడక్షన్ వర్క్ కొనసాగుతోందట.. ఆ రీమేక్‌కు కూడా సుధనే దర్శకత్వం వహిస్తున్నారని సమాచారం.. సూర్య సొంత నిర్మాణ సంస్థ అయిన '' 2డీ ఎంటర్‌టైన్‌మెంట్ '' ఆ రీమేక్‌కు నిర్మాతగా వ్యవహరిస్తుంది. తాజాగా ఆమె మీడియాకు ఇంటర్వ్యూ కూడా ఇచ్చారు. ఆ ఇంటర్వ్యూలో ఆసక్తికర విషయాలను ఆమె పంచుకున్నారు.

'' సినిమాలకు భాషతో అస్సలు సంబంధం లేదు. సరిహద్దులు తొలగిపోతున్నాయి. ఓటీటీలు ప్రపంచం మొత్తాన్ని ఏకం చేశాయి. 'ఆకాశం నీ హద్దురా' సినిమాని థియేటర్ల ప్రేక్షకులను దృష్టిలో పెట్టుకుని తీసాము.కానీ, కరోనా రావడంతో ఆ చిత్రాన్ని అమెజాన్ ప్రైమ్ వీడియోలో విడుదల చేయాల్సి వచ్చింది.ఆ చిత్రం రిలీజ్ కాగానే అభిమానుల నుంచి మంచి రెస్పాన్స్ కూడా లభించింది. హిందీ రీమేక్‌కు భారత్‌లోని ఏ ప్రాంతానికి చెందిన యాస ఉపయోగించాలని మేము ఆలోచిస్తున్నాం. స్క్రిఫ్ట్‌ రెడీ కావాలి అప్పుడే నటుడిని మేము సంప్రదిస్తాం. దక్షిణాది ప్రేక్షకులను దృష్టిలో పెట్టుకుని ' ఆకాశం నీ హద్దురా ' సినిమాను మేము రూపొందించాం. బాలీవుడ్ ప్రేకకులకు అనుగుణంగా దానిని కొద్దిగా మార్చాలి. ఆ సినిమా పాన్ ఇండియా స్టోరీ '' అని సుధా కొంగర చెప్పారట..

ఆ రీమేక్ అనంతరం మహేశ్ బాబు మరియు అల్లు అర్జున్ అలాగే హృతిక్ రోషన్‌లతో సినిమాలు చేయాలని ఆలోచిస్తున్నట్టు ఆమె వివరించారు. రిటైర్డ్ ఆర్మీ కెఫ్టెన్ జీఆర్. గోపీనాథ్ జీవితాన్ని ఆధారంగా చేసుకుని 'ఆకాశం నీ హద్దురా ' సినిమా తెలుగులో కూడా ఘన విజయం సాధించింది.

మరింత సమాచారం తెలుసుకోండి:

Social star -Lifestyle

murali krishna

16/01/2022 12:33 PM