ఏవండోయ్ నాని గారు కాస్త ఇది చూసుకోండని ఫ్యాన్స్ నుండి.. తన వెల్ విషర్స్ నుండి గట్టిగానే ఫీడ్ బ్యాక్ వచ్చినట్టు ఉంది. అందుకే నాని తన పంథా మార్చేసి కొత్త నానిని రంగంలోకి దించాలని ఫిక్స్ అయ్యాడు. దానికి పడిన మొదటి అడుగే శ్యాం సింగ రాయ్. ఆ సినిమాలో శ్యాం సింగ రాయ్ పాత్రలో నానిని ఎవరు ఊహించి ఉండరు. ఆ పాత్రని.. ఆ కథని ఎంచుకోవడంలోనే నాని తనని తాను మార్చుకునేందుకు మొదటి అడుగు వేశాడని అనిపిస్తుంది.
శ్యాం సింగ రాయ్ హిట్ నాని ఖాతాలో హిట్టు పడటమే కాదు నానిని మళ్లీ కొత్త మార్గంలో అడుగు పెట్టేలా చేసింది. అందుకే నాని ఇక మీదట వరుస క్రేజీ కథలతో రావాలని ఫిక్స్ అయ్యాడు. మూస థోరణిలో.. మూస పాత్రలతో వచ్చే కథలకు స్వస్తి పలకాలని గట్టిగా అనుకున్నాడు. ప్రస్తుతం అంటే సుందరానికీ అనే సినిమా చేఏస్తున్న నాని అందులో కూడా కొత్త క్యారక్టరైజేషన్ తో వస్తాడని అంటున్నారు. దీని తర్వాత వస్తున్న దసరా సినిమాలో కూడా నాని కొత్త లుక్ తో.. అదిరిపోయే పాత్రతో సర్ ప్రైజ్ చేస్తాడని చెప్పుకుంటున్నారు. మొత్తానికి నానికి నటుడిగా ఇది మరో తొలి అడుగులే అని చెప్పొచ్చు.