ఇదిలాఉంటే బంగార్రాజు ప్రస్తుతం రెండో వారం లోకి అడుగు పెట్టింది. సినిమా అనుకున్న రేంజ్ కి మించి సక్సెస్ అయినందుకు నాగార్జున తిరుమల శ్రీవారిని దర్శించుకున్నారు. అయితే ఆ తర్వాత ఓ రెండు వారాల పాటు ఆయన సెల్ఫ్ ఐసోలేషన్ లో ఉండనున్నారని తెలుస్తుంది. బంగార్రాజు ప్రమోషన్స్ టైం లో తన టీం లో కొందరికి కొవిడ్ రాగా వారిని ఐసోలేషన్ లో ఉంచారట. అయితే నాగార్జునకి ఎలాంటి సింటమ్స్ వగైరా లేకపోయినా గోవా వెళ్లి ఓ రెండు వారాలు బయటకు రాకుండా ఐసోలెట్ అవ్వాలని అనుకుంటున్నారట. గోవాలో అమలతో నాగార్జున రెండు వారాల పాటు అక్కడే ఉండనున్నారని తెలుస్తుంది. రెండు వారాల తర్వాత తిరిగి హైదరాబాద్ చేరుకునే అవకాశం ఉందట.
ఇక బంగార్రాజు హిట్ అందుకోగా తన నెక్స్ట్ సినిమా ది ఘోస్ట్ సినిమా త్వరగా పూర్తి చేయాలని ఫిక్స్ అయ్యారు నాగార్జున. ప్రవీణ్ సత్తారు డైరక్షన్ లో వస్తున్న ఈ సినిమాలో అంతకుముందు కాజల్ హీరోయిన్ గా అనుకోగా ఆమె సినిమాలకు దూరం అవుతున్న కారణంగా సోనాల్ చౌహాన్ ని ఈ మూవీ కోసం సెలెక్ట్ చేసినట్టు తెలుస్తుంది. బంగార్రాజుతో కెరియర్ లో మళ్లీ బూస్టింగ్ అందుకున్న నాగ్ ఇక మీదట అదే హిట్ మేనియాతో కొనసాగాలని చూస్తున్నారు. ది ఘోస్ట్ తర్వాత సినిమా ఏంటన్నది ఇంకా డిసైడ్ చేయలేదు.
