పునీత్ రాజ్కుమార్ భౌతికంగా లేరు అన్న విషయాన్ని ఇప్పటికీ అభిమానులు జీర్ణించుకోలేకపోతున్నారు అనే చెప్పాలి. కాగా పునీత్ రాజ్కుమార్ పై ఉన్న అభిమానాన్ని చాటుకుంటూనే ఇప్పటి వరకు ఎంతో మంది భిన్నంగా నివాళులు అర్పించిన సందర్భాలు చూశాం. ఇక ఇప్పుడు అమెజాన్ ప్రైమ్ సంస్థ కూడా పునీత్ రాజ్ కుమార్ కు నివాళులు అర్పించేందుకు సిద్ధమైంది. పునీత్ రాజ్ కుమార్ హీరోగా నటించిన లా, ఫ్రెంచ్ బిర్యానీ, కాలువ దారి, మాయాబజార్, యువరత్న సినిమాలను ఫిబ్రవరి 1 నుంచి 28 వరకు కూడా అభిమానులందరికీ కూడా ఉచితంగా చూసే అవకాశాన్ని కల్పిస్తున్నట్లు అమెజాన్ ప్రైమ్ ప్రకటించింది.
అంటే అమెజాన్ ప్రైమ్ సభ్యత్వం లేని వారు సైతం ఇక పునీత్ రాజ్ కుమార్ నటించిన ఈ సినిమాలను ఉచితంగా చూసేందుకు అవకాశం ఉంది. అంతేకాకుండా పునీత నిర్మాణ సంస్థ ప్రస్తుతం తెరకెక్కిస్తున్న మూడు కొత్త సినిమాలు మ్యాన్ ఆఫ్ ది మ్యాచ్, వన్ కట్ టూ కట్, ఫ్యామిలీ ప్యాక్ లాంటి సినిమాలను కూడా అమెజాన్ ప్రైమ్ లోనే విడుదల చేయబోతున్నట్లు ఇటీవలే ఈ సంస్థ ప్రకటించింది. ఇలా పునీత్ రాజ్ కుమార్ పై తమకున్న అభిమానాన్ని చాటుకుంటు ఘనంగా నివాళి అర్పించింది అమెజాన్ ప్రైమ్ సంస్థ.
