వెబ్ సీరీస్ లు చేస్తూ కెరిఊర్ బిల్డ్ చేసుకుంటున్న జగదీష్ పుష్ప సినిమాలో కేశవ పాత్రతో సత్తా చాటాడు. కేశవ పాత్రకి ఆడిషన్స్ చేసిన టైం లో మహేష్ విట్టా కూడా పాల్గొన్నాడట. ఫన్ బకెట్ తో క్రేజ్ తెచ్చుకున్న మహేష్ విట్టా ఆ తర్వాత సినిమా ఛాన్సులు అందుకున్నాడు. పక్కా రాయలసీమ యాసతో మాట్లాడే మహేష్ విట్టా అయితే కేశవ పాత్రలో అదిరిపోయేది. ఆడిషన్స్ ఇచ్చిన టైం లో కూడా మహేష్ ఆ పాత్ర దాదాపు తనకే అనేలా ఫీల్ అయ్యాడట.
అయితే ఆ పాత్ర తనకి కాకుండా జగదీష్ కి ఇచ్చారని. కేశవ పాత్రలో జగదీష్ కూడా చాలా బాగా చేశాడని అన్నాడు మహేష్ విట్టా. ఇక చిత్తూరు యాసలో అల్లు అర్జున్ కూడా చాలా బాగా చేశారని. ఆయన చెప్పిన డైలాగ్స్ అన్ని సూపర్ గా ఉన్నాయని అన్నారు. ఇక శ్రీవల్లి పాత్ర కూడా రష్మిక బాగా చేసిందని అన్నాడు మహేష్ విట్ట. గొప్ప సినిమాలో అవకాశం రానందుకు ఫీల్ అవుతున్నా ఇది మిస్సైనా మరో మంచి ఛాన్స్ వస్తుందని ఆశాభావం వ్యక్తం చేశారు మహేష్ విట్టా. తనదైన శైలిలో ఆడియెన్స్ ని అలరించడానికి ప్రయత్నిస్తున్న మహేష్ విట్టాకి మంచి అవకాశాలు రావాలని ఆశిద్దాం.
