ఇలా వరుసగా బయోపిక్ ల తో అలరించిన హీరో సూర్య ఇక ఇప్పుడు మాత్రం మరో యాక్షన్ థ్రిల్లర్ సినిమాతో ప్రేక్షకులను అలరించేందుకు సిద్ధమైన పోయాడు. సూర్య నటించిన ఈటి సినిమా విడుదలకు సిద్ధమవుతోంది. ఈ సినిమాను తెలుగులో కూడా విడుదల చేయబోతున్నాడు అనే విషయం తెలిసిందే. ఇక ఈ సినిమాకు సంబంధించి ఇప్పటికే షూటింగ్ శరవేగంగా జరుగుతుంది. ఈ సినిమా పాండిరాజ్ దర్శకత్వంలో తెరకెక్కుతుండగా.. కళానిధి మారన్ సినిమాను నిర్మిస్తున్నారు. ఈ సినిమాలో సూర్య సరసన ప్రియాంక అరుల్ మోహన్ నటిస్తోంది. ఇక విలక్షణ నటుడు సత్యరాజ్ కీలక పాత్రలో కనిపించబోతున్నాడు.
ఇకపోతే ఈ సినిమాకు సంబంధించి అప్డేట్ ఎప్పుడెప్పుడు విడుదల అవుతుందా అని అభిమానులు అందరూ కూడా ఆసక్తిగా ఎదురుచూస్తున్నారు. ఈ క్రమంలోనే ఈ రోజు సాయంత్రం సూర్య తన అభిమానులందరికీ సర్ప్రైస్ ఇవ్వబోతున్నాడు అన్నది తెలుస్తుంది. సూర్య నటిస్తున్న ఈటి సినిమా టీజర్ నేడు సాయంత్రం విడుదల కాబోతుంది. దీంతో అభిమానులు అందరూ ఈ టీజర్ కోసం ఆత్రుతగా ఎదురు చూస్తున్నారు. అయితే ఇప్పటివరకు కేవలం తెలుగు తమిళం కన్నడ భాషల్లో మాత్రమే తన సినిమాలను విడుదల చేసిన సూర్య ఈటి సినిమాను హిందీలో కూడా అదే టైటిల్ తో విడుదల చేయాలని నిర్ణయించుకున్నాడట.