ఈ సినిమాను శ్రీకాంత్ అడ్డాల దర్శకత్వంలో తెరకెక్కించారు. ఈ చిత్రంలో పెద్దోడు, చిన్నోడుగా విక్టరీ వెంకటేష్, సూపర్ స్టార్ మహేష్ బాబు కలిసి నటించారు. ఇక ఈ మూవీని 2013 జనవరి 11న సంక్రాంతి కానుకగా రిలీజై, వరల్డ్ వైడ్ 54.75 కోట్ల కలెక్షన్లు వసూలు చేసింది. అంతేకాక.. ఈ మూవీకి ఉత్తమ కుటుంబ చిత్రంగా నంది అవార్డును సొంతం చేసుకుంది.
అంతేకాదు.. ఈ సినిమాకి ఉత్తమ గీత రచయితగా సిరివెన్నెలకి, ఉత్తమ సహాయ నటుడుగా ప్రకాష్ రాజ్‌కి, ప్రత్యేక జ్యూరీ అవార్డుగా అంజలి నంది అవార్డులను సొంతం చేసుకున్నారు. ఇక మాటల రచయిత గణేష్ పాత్రకి ఇది ఆఖరి సినిమా. ఈ సినిమాలో కొన్ని కీలక అంశాలు ఇప్పుడు వైరల్ అవుతూనే ఉన్నాయి. అయితే మొదట్లో ఈ చిత్రంలో గీత పాత్రకు సమంతని ఎంచుకున్నారట.
అయితే మొదటగా సీత పాత్రకోసం త్రిష, స్నేహా, భూమిక, అనుష్కలను అనుకున్నా, చివరకు అమలపాల్ ఒకే చెప్పాక ఆమె చివరి క్షణంలో తప్పుకుంది. దీంతో ఈ పాత్ర చివరికి అంజలి ఒకే చెప్పారు. అయితే మహేష్ బాబు, పవన్ కళ్యాణ్‌తో ఈ సినిమా చేయాలని డైరెక్టర్ శ్రీకాంత్ అనుకుంటే, చివరకు పవన్ ప్లేస్‌లోకి వెంకీ ఒకే చెప్పారంట. అలాగే ఈ సినిమాలో రేలంగి మావయ్య పాత్రకి హీరో రాజశేఖర్‌ని అనుకుంటే, తర్వాత ప్రకాష్ రాజ్‌ను ఎంచుకున్నారు.
