‘మహానటి’ మూవీతో జాతీయ స్థాయిలో ఉత్తమనటి అవార్డు అందుకున్న తరువాత ఆమెకు ఎన్నో సినిమాలలో గ్లామర్ పాత్రలు వచ్చినప్పటికీ వాటిని ఒప్పుకోకుండా ఎక్కువగా హీరోయిన్ ఓరియంటెడ్ సినిమాలను మాత్రమే చేస్తోంది. ఈమె లేటెస్ట్ గా మళయాళంలో నటించిన ‘చిన్ని’ మూవీ తెలుగులో కూడ డబ్ చేయబడింది. మే 6న అమెజాన్ ప్రైం లో స్ట్రీమ్ కాబోతున్న ఈ మూవీని ప్రమోట్ చేస్తూ ఆమె అనేక మీడియా సంస్థలకు ఇంటర్వ్యూలు ఇస్తోంది.
డీ గ్లామర్ పాత్రలను చేసే విషయంలో ఏమాత్రం ఆలోచన లేకుండా నటించే ఈమె ఈ మూవీలో ఒక కిల్లర్ గా కనిపించబోతోంది. ఈ సినిమా విడుదల సందర్భంగా ఆమె గ్లామర్ ఎక్స్ పోజింగ్ పై కొన్ని కామెంట్స్ చేసింది. గ్లామర్ పాత్రలు తన మొదటి ప్రాధాన్యత కానేకాదు అంటూ సినిమాల విషయంలో నటిగా కొన్ని హద్దులు ఉన్నాయని ఆ హద్దులు దాటి తాను నటించను అని అంటోంది.
అయితే సర్కారు వారి పాటలో’ ఈమె మహేష్ పక్కన గ్లామర్ క్వీన్ గా నటించబోతోంది. ఈ మూవీ విడుదల తరువాత ఈమెకు టాప్ హీరోల సినిమాలలో చాల అవకాశాలు వస్తాయని ఆమె ఆశిస్తోంది. అయితే కీర్తి సురేష్ నటించిన సినిమాలు అన్నీ వరస గా ఫ్లాప్ లు అవుతూ ఉండటంతో ఆ నెగిటివ్ సెంటిమెంట్ మహేష్ సినిమా పై పడుతుందా అన్న సందేహాలతో మహేష్ అభిమానులు బెదిరిపోతున్నారు..
