లేదంటే ఈ రేంజ్ లో టికెట్ల కానీ ఫ్యామిలీ తో సినిమాలు చూడాలని ఎవరు అనుకోవడం లేదు. టికెట్టుకి అంత రేటు పెట్టడమే దండగా అనుకుంటుంటే దానికి తోడు ఇంట్రవల్ లో క్యాంటీన్ ఖర్చులు చుక్కలు చూపిస్తున్నాయి. ఇక ఫ్యామిలీ లో ముగ్గురు, నలుగురు వెళ్ళారు అంటే ఇక టికెట్, క్యాంటీన్ ఖర్చులతో కలిపి దగ్గర దగ్గర 2,500 వరకు అవుతోంది. దాంతో ఇంత పెట్టీ సినిమాకు వెళ్ళడం అవసరమా అనుకుంటున్నారు ప్రేక్షకులు. అందులోనూ సినిమా రిలీజ్ అయిన నెల లోపే ఆ చిత్రాలు ఓ టి టి లోకి వచ్చేస్తుంటే ఇక అంత ఖర్చు చేయాల్సిన అవసరం ఏముంది అనుకుంటున్నారు. అందుకే గ్రాఫిక్స్, విజువల్ ఎఫెక్ట్స్ ఓ రేంజ్ లో ఉంటే తప్ప మామూలు చిత్రాల కోసం సగటు ప్రేక్షకుడు థియేటర్ కు వెళ్ళడం లేదు.
ముఖ్యంగా సిని పరిశ్రమకు ముద్దుబిడ్డ అయిన సామాన్య మధ్యతరగతి ప్రేక్షకుడు కి అయితే ఈ రేట్లు అస్సలు అందుబాటులో లేకపోవడంతో ఆచార్య, సర్కారు వారి పాట వంటి స్టార్ హీరో చిత్రాలకు కూడా భిన్న ఫలితాలు వస్తున్నాయి అన్నది టాక్. ఆశించిన స్థాయిలో బుకింగ్స్ జరగడం లేదని, వీకెండ్స్ లో కూడా జోరు పెరగడం లేదు అంటున్నారు. మరి ఈ పరిస్థితులు మారి మునపటిలా టాలీవుడ్ థియేటర్లు ప్రేక్షక జనాలతో కళకళలాడాలి అంటే టికెట్ల రెట్లు తగ్గించక తప్పదు అన్న వాదనలు వినిపిస్తున్నాయి.
