ఇక అఖండ సినిమా అయితే లాక్ డౌన్ తరవాత రిలీజ్ అయిన పెద్ద చిత్రంగా.. పైగా బ్లాక్ బస్టర్ హిట్ అవ్వడంతో టాలీవుడ్ కు సరికొత్త ఉత్సాహం నెలకొంది. ఇదిలా ఉండగా ఈ కాంబోలో మరో సినిమా అన్న వార్తలు ఎప్పటి నుండో వస్తుండగా .. ఇటీవల జరిగిన అఖండ సక్సెస్ మీట్ లో దర్శకుడు బోయపాటి శ్రీను మాట్లాడుతూ.. బాలయ్యతో ఒక్క సినిమా చేసే అవకాశం రావడమే అదృష్టం అలాంటిది తనకు ఏకంగా మూడు సినిమాలు డైరెక్ట్ చేసే ఛాన్స్ దక్కడం అద్భుతం అని చెబుతున్న క్రమంలో ప్రేక్షకుల నుంచి మరో సినిమా ఉండనుందా..? అని ప్రశ్న తలెత్తగా.. అందుకు బోయపాటి ఖచ్చితంగా అని చెప్పినప్పటి నుండి వీరి కాంబోలో మరో చిత్రంపై అందరి దృష్టి నెలకొంది.
అయితే తాజా సమాచారం మేరకు లెజెండ్ చిత్రానికి సీక్వెల్ రెడీ చేస్తున్నట్లు సమాచారం. లెజెండ్ చిత్రానికి రాజకీయ హంగులు దిద్ది పొలిటికల్ బ్యాక్ డ్రాప్ లో ఈ సినిమాని కొనసాగించనున్నట్లు ప్లానింగ్ జరుగుతోందట. పొలిటికల్ సెటైర్లు, పంచ్‌లతో ఈ చిత్రాన్ని బాలయ్య పవర్ కి తగ్గట్టుగా ప్లాన్ చేస్తున్నారట బోయపాటి. ఇప్పటికే సన్నాహాలు మొదలైనట్లు తెలుస్తుండగా... లెజెండ్ సినిమాకి నిర్మాతగా వ్యవహరించిన వారే ఈ చిత్రాన్ని కూడా నిర్మించబోతున్నట్లు సమాచారం. ఇప్పటికే సగానికి పైగా కథను కూడా సెట్ చేసేసారు అని బాలయ్య , దర్శకుడు అనిల్ రావిపూడి చిత్రం తరవాత ఈ పట్టాలు ఎక్కుతుంది అని టాక్ వినిపిస్తోంది
