అయితే రాజశేఖర్ అతడి భార్య జీవిత గత 20 సంవత్సరాలుగా పరిస్థితులతో పోరాటం చేస్తూ జనం తమను మర్చిపోకుండా ఎదోఒక వివాదాస్పద విషయంలో ఎంటర్ అవుతూ తమ ఉనికిని కొనసాగిస్తున్నారు. సుమారు దశాబ్ద కాలం వరస పరాజయాలు తరువాత రాజశేఖర్ మూవీ ‘గరుడవేగ’ సక్సస్ కావడంతో తిరిగి అతడు ట్రాక్ లోకి వచ్చాడు అనుకున్నారు. అయితే ఆతరువాత నటించిన ‘కల్కి’ సినిమాతో మళ్ళీ పరాజయం అతడిని పలకరించింది.
అయినా నిరుత్సాహ పడకుండా తన శక్తులు అన్నీ కూడపెట్టుకుని ఇతడు నటించిన ‘శేఖర్’ మూవీ ఈవారం విడుదల కాబోతోంది. ఈసినిమాకు పోటీ చెప్పుకోతగ్గ సినిమాలు ఏవీ లేవు. సంపూర్ణేష్ నటించిన ‘దగడ్ సాంబ’ మూవీ విడుదల అవుతున్నప్పటికీ ఆసినిమా చెప్పుకోతగ్గది కాదు. మళయాళంలో హిట్ అయిన మూవీ రైట్స్ కొనుక్కుని జీవిత ఈసినిమాను నిర్మించడమే కాకుండా దర్శకత్వం కూడ వహించింది.